حکومتی سطح پر عید کے موقع پر کوئی سرکاری اجتماعات منعقد نہیں کی جائیگی، اجمل وزیر

ہفتہ 23 مئی 2020 17:45

پشاور۔ (اُردو پوائنٹ اخبارتازہ ترین - اے پی پی۔ 23 مئی2020ء) مشیر اطلاعات اجمل خان وزیر نے کراچی طیارے حادثے پر انتہائی دکھ کا اظہار کرتے ہوئے کہا ہے کہ اس سانحے پر پورا قوم غمزدہ ہے۔وزیراعلی خیبر پختونخوا اور پوری صوبائی حکومت اس قومی سانحے پر انتہائی دکھی ہیں۔ حادثے میں شہید ہونے والے تمام افراد کے بلند درجات اور لواحقین کو صبر جمیل عطا کرنے کے لئے دعا گو ہیں، اطلاع سیل سول سیکرٹریٹ میں میڈیا سے گفتگو کرتے ہوئے اجمل وزیر نے کہا کہ خیبر پختون خوا حکومت نے پہلے ہی کورونا وباء کی وجہ سے عید سادگی کیساتھ منانے کی ہدایت کی ہے، اب طیارہ حادثے کیوجہ سے شہید ہونے والوں کی یاد میں عید انتہائی سادگی کیساتھ منایا جائے۔

حکومتی سطح پر عید کے موقع پر کوئی سرکاری اجتماعات منعقد نہیں کی جائیگی، لیکن عوام سے بھی اپیل کرتی ہے کہ اس عید پر غیر ضروری اجتماعات سے پرہیز کریں اور گھروں پر رہیں۔

(جاری ہے)

جب زندگی رہی تو عید بار بار آئے گی اگر خدانخواستہ کورونا نے خطرناک صورتحال اختیار کی تو پھر نہ عید ہوگی اور نہ عید کی خوشیاں۔انہوں نے کہا کہ اپنے اور اپنے پیاروں کی خاطر احتیاط کریں کیونکہ یہ بیماری کسی کے پیچھے گھر نہیںآتی جب تک آپ خود باہر جاکر اسے گھر نہیں لاتے۔

کورونا کے حوالے سے گفتگو کرتے ہوئے اجمل وزیر نے کہا کہ صوبائی حکومت نے کورونا کے لئے ہیلپ لائن نمبر 1700 متعارف کی ہے جس پر اب تک 1 لاکھ سے زائد کال موصول ہوچکے ہیں۔ہیلپ لائن کے ذریعے عوام کو کورونا سے متعلق رہنمائی، مختلف امراض سے متعلق ماہر ڈاکٹروں اور طبی ماہرین کے ذریعے مشورے فراہم کی گئی ہیں۔ذہنی امراض سے متعلق سائیکاٹرس سے طبی مشورے اور ادویات سے متعلق رہنمائی بھی ہیلپ لائن نمبر کے ذریعے فراہم کی گئی ہے۔

ریسکیو ایمرجنسی سروس اور میونسپل سروس تک رسائی سمیت صنعت وحرفت کے شعبے سے وابستہ افراد کی رہنمائی اور شہری دفاع رضاکاروں کی رجسٹریشن بھی ہیلپ لائن کے ذریعے کی گئی ہے۔مشیر اطلاعات نے کہا کہ عید ٹسٹنگ کیس ہے اگر ایس او پیز پر عملدرآمد ہوا تو زندگی رواں دواں ہوگی، اگر عید کے موقع پر ایس او پیز کا خیال نہیں رکھا گیا تو دوبارہ سختی کی جائیگی، عوام کورونا کے خلاف جدو جہد میں حکومت سے تعاون کرے۔اجمل وزیر نے عوام سے اپیل کی کہ ہوائی فائرنگ سے اجتناب کرکے مہذب شہری ہونے کا ثبوت دیں۔ ایک طرف کورونا اور دوسری طرف طیارہ حادثہ ایسے حالات میں چاند رات پر فائرنگ انتہائی نامناسب ہوگا۔