کورونا وائرس سے بچائو کی حفاظتی تدابیر اپناتے ہوئی4 اپ اور 4چار ڈائو ن ٹرینوں میں کارگو اور پارسل سروس آپریشنل کردی گئی ہے،

اعلان کردہ حکومتی ایس او پیز پربھی سختی سے عملدرآمد کروایا جا رہا ہے،اسسٹنٹ آپریٹنگ آفیسر ریلوے فیصل آباد سلمان خالدکی اے پی پی سے بات چیت

منگل 2 جون 2020 12:54

فیصل آباد (اُردو پوائنٹ اخبارتازہ ترین - اے پی پی۔ 02 جون2020ء) اسسٹنٹ آپریٹنگ آفیسر ریلوے فیصل آباد سلمان خالدنے کہا ہے کہ کورونا وائرس سے بچائو کی حفاظتی تدابیر اپناتے ہوئی4 اپ اور 4چار ڈائو ن ٹرینوں میں کارگو اور پارسل سروس آپریشنل کردی گئی ہے جبکہ اس سلسلہ میںاعلان کردہ حکومتی ایس او پیز پربھی سختی سے عملدرآمد کروایا جا رہا ہے۔

(جاری ہے)

منگل کے روز اے پی پی سے بات چیت کے دوران انہوں نے بتایا کہ قبل ازیں کورونا وائرس کے پھیلائو کے پیش نظر ہونے والے لاک ڈائون میں ریل کا پہیہ بند ہونے کیساتھ ہی کارگو سروس بھی بند کردی گئی تھی لیکن وفاقی وزیر ریلوے شیخ رشید کی جانب سے 30 ٹرینیں آپریشنل کرنے کے اعلان کے وقت ان ٹرینوں میں کارگو سروس بحال نہیں کی گئی تھی جسکی وجہ سے شہریوں کو اشیاء کی ایک جگہ سے دوسری جگہ ترسیل میں مشکلات کا سامنا کرنا پڑ رہا تھا۔ انہوں نے بتایا کہ محکمہ ریلوے کے چیف کمرشل منیجر کی جانب سے جاری نوٹیفکیشن میں ڈویژنل سپرنٹنڈنٹ کراچی، راولپنڈی، لاہور ،ملتان، سکھر، خیبر پختونخوا اور کوئٹہ وغیرہ کو ہدایت کی گئی ہے کہ آپریشنل ٹرینوں میں کارگو اور پارسل سروس بحال کر دی جائے۔