چیئرمین نیشنل ڈیزاسٹڑ مینجمنٹ اتھارٹی لیفٹیننٹ جنرل محمد افضل کا بی ایم سی ہسپتال کوئٹہ میں کورونا وائرس کے لیے بنائے گئے آئسولیشن وارڈز اور آئی سی یو کا دورہ

منگل 14 جولائی 2020 15:53

کوئٹہ (اُردو پوائنٹ اخبارتازہ ترین - اے پی پی۔ 14 جولائی2020ء) نیشنل ڈیزاسٹڑ مینجمنٹ اتھارٹی کے چیئرمین لیفٹیننٹ جنرل محمد افضل نے بولان میڈیکل کمپلیکس ( بی ایم سی) ہسپتال کوئٹہ میں کورونا وائرس کے لیے بنائے گئے آئسولیشن وارڈز اور آئی سی یو کا دورہ کیا،ایم ایس بی ایم سی ہسبتال کوئٹہ ڈاکٹر سلیم ابڑو نے نیشنل ڈیزاسٹڑ مینجمنٹ اتھارٹی کے چیئرمین لیفٹیننٹ جنرل محمد افضل کورونا وائرس آئسولیشن وارڈز،آئی سی یو اور کورونا وائرس کے ٹیسٹ کے لیے مختص لیبارٹری سے متعلق تفصیلی بریفنگ دی،نیشنل ڈیزاسٹڑ مینجمنٹ اتھارٹی کے چیئرمین لیفٹیننٹ جنرل محمد افضل نے کورونا وائرس سے بچائو کے لیے اٹھائے جانے والے موثر اقدامات پر حکومت بلوچستان کی کارکردگی کو سراہا، انہوں نے بی ایم سی ہسپتال کوئٹہ میں کورونا سے نبرد آزما ڈاکٹرز،فارماسسٹس،نرسز اور پیرامیڈیکس کی کارکردگی کو سراہا۔