دوافراد نے 1 گھنٹے میں 5341 بار فلائنگ ڈسک کیچ کر کے گینیز ورلڈ ریکارڈ بنالیا

امین اکبر جمعرات 30 جولائی 2020 01:07

ایڈاہو، امریکا سے تعلق رکھنے والے دو افراد نے ایک دوسرے کی طرف فلائنگ ڈسک پھینکنے اور کیچ کرنے کا نیا گینیز ورلڈ ریکارڈ بنایا ہے۔انہوں نے ایک گھنٹے میں فریسبی ڈسک کو 5341 بار پھینکا اور پکڑا۔
ڈیوڈ رش اس سے پہلے سٹیم ایجوکیشن کی تشہیر کے لیے 150 سے زیادہ گینیز ورلڈ ریکارڈ بنا چکے ہیں۔اس بار انہوں نے کرس نائٹ کے ساتھ مل کر ایک گھنٹے میں فریسبی ڈسک پھینکنے کا نیا ریکارڈ بنایا ہے۔

(جاری ہے)

اس سے پہلے یہ ریکارڈ ایک گھنٹے میں 2525 بار فریسبی ڈسک پھینکنے اور پکڑنے کا تھا۔
ڈیوڈ رش نے بتایا کہ اس ریکارڈ کو بنانے کے لیے انہیں اپنے ساتھی سے 9.8 فٹ کی دوری پرکھڑے ہونا تھا۔ انہوں نے یہ سارے کیچ ہاتھوں سے پکڑے ہیں۔ جسم کے کسی اور حصے کی مدد سے پکڑے جانے والے کیچ گنتی میں شامل نہیں کیے گئے۔
انہوں نے بتایا کہ انہوں نے اوسطاً ایک منٹ میں 89 کیچ پکڑے۔