ایک ہی قرعہ اندازی کے لیے ایک جیسے 25 ٹکٹ خریدنے والا 25انعام جیت گیا

امین اکبر منگل 11 اگست 2020 10:46

ورجینیا سے تعلق رکھنے والے ایک غیر معمولی جواری کی قسمت اس وقت جاگی جب انہوں نے ایک ہی قرعہ اندازی کے لیے ایک جیسے یعنی ایک ہی نمبر کے 25 ٹکٹ خریدے اور ان کا مجموعی طور پر 1 لاکھ 25 ہزار ڈالر کا انعام نکل آیا۔
ریمنڈ ہرینگٹن نے ورجینیا لاٹری کے عملے کو بتایا کہ انہوں نے ورجینیا بیچ کے ایک سٹور سے 17جولائی کو ہونے والی قرعہ اندازی کے لیے 1 ڈالر کے 25 ٹکٹ خریدے۔

(جاری ہے)

انہوں نے یاد کرتے ہوئے بتایا ”کسی نے مجھے کہا کہ 25 بار کھیلو“۔ ریمنڈ کی اس وقت خوشی کی انتہا نہ رہی جب انہیں پتا چلا کہ ان کا نمبر چار چھ چار صفر پر انعام نکل آیا ہے۔ اس نمبر کے ایک ٹکٹ پر 5 ہزار ڈالر کا انعام نکلا تھا۔ اس طرح مجموعی طور پر انہیں 1 لاکھ 25 ہزار ڈالر ملے۔ریمنڈ نے بتایا کہ اس رقم سے وہ اپنے دو بیٹوں کی مدد کریں گے، جو اس وقت کالج میں پڑھتے ہیں۔

Facebook Twitter Google + Share on Whatsapp

ایک ہی قرعہ اندازی کے لیے ایک جیسے 25 ٹکٹ خریدنے والا 25انعام جیت گیا

متعلقہ عنوان :

مزید عجیب و غریب خبریں