یوم دفاع کے موقع پر نیٹ بال کا نمائشی میچ کھیلا جائے گا

بدھ 2 ستمبر 2020 15:05

اسلام آباد ۔ (اُردو پوائنٹ اخبارتازہ ترین - اے پی پی۔ 02 ستمبر2020ء) اسلام آباد نیٹ بال ایسوسی ایشن کے زیراہتمام یوم دفاع کے موقع پر نیٹ بال کا نمائشی میچ 6 ستمبر کو اسلام آباد گرین اور اسلام آباد وائٹ کی ٹیموں کے درمیان کھیلا جائے گا۔

(جاری ہے)

اسلام آباد نیٹ بال ایسوسی ایشن کے سیکرٹری جاوید نواز بنگش نے سرکاری خبر رساں ادارے سے گفتگو کرتے ہوئے بتایا کہ میچ کی تیاریاں زور و شور سے جاری ہیں اور میچ منعقد کروانے کا مقصد 1965 کی پاک بھارت جنگ کے دوران پاک فوج کے شہداء کی قربانیوں کو خراج عقیدت پیش کرنا ہے اور پاک فوج کے جوانوں نے دشمن کا ڈٹ کر مقابلہ کرتے ہوئے ان کے ارادوں کو خاک میں ملا دیا تھا۔

انہوں نے کہا کہ میچ کے اختتام پر ملک خوشحالی اور ترقی کے ساتھ ساتھ پاک فوج کے شہداء کے لئے خصوصی دعا کی جائے گی اور شہدا کی قربانیوں کو ہمیشہ کے لئے یاد رکھا جائے گا۔