ایس ایم منیر کورونا وائرس کو شکست دینے میں کامیاب ہوگئے

کراچی۔4 ستمبر(اُردو پوائنٹ اخبارتازہ ترین - اے پی پی۔ 04 ستمبر2020ء) ملک کے معروف بزنس لیڈر اور یونائٹیڈ بزنس گروپ(یو بی جی)کے سرپرست اعلیٰ ایس ایم منیر نے رونا وائرس سے نجات حاصل کرلی اوروہ مکمل صحتیاب ہوگئے ہیں۔ واضح رہے کہ ایس ایم منیر اپنی اہلیہ اور بیٹی کے ہمراہ ایک ماہ قبل کینیڈا گئے تھے۔کراچی روانگی سے قبل انہوں نے اپنی فیملی کے کورونا ٹیسٹ کرائے جو منفی آئے تھے جس کے بعد انہیں سفر کی اجازت ملی تھی تاہم جہاز میں انکے قریب کوئی مسافر کورونا وائرس کی وباء کا شکار تھا جن سے ایس ایم منیر،انکی اہلیہ اور صاحبزادی کو بھی یہ وائرس اثر کرگیا اور کینیڈا پہنچتے ہی انہیں ہسپتال منتقل ہونا پڑا۔

ابتدائی14روز انہیں کورنٹائن مرحلے سے گزرنا پڑا اور مجموعی طور پر 28دن تک انہیں گھر سے باہر نکلنے کی اجازت نہ تھی تاہم ایس ایم منیر مکمل صحتیاب ہوگئے ہیں اور ڈاکٹرز نے انہیں کلیئرنس دے دی ہے جبکہ انکی اہلیہ اور بیٹی بھی آئندہ دوروز میں آئسولیشن کی معیاد مکمل کرلیں گی جس کے بعد انہیں گھر سے باہر نکلنے کی آزادی ہوگی۔

(جاری ہے)

ایس ایم منیر نے اپنے وڈیو پیغام میں کہا کہ کورونا وائرس میں مبتلا ہونے کے بعد انہیں احساس ہوا کہ یہ بہت خطرناک بیماری ہے ، اس لئے ہر فرد ماسک اور سینیٹائزر کا بدستور استعمال کرے اور اپنے ہاتھوں کو دھوتا رہے،بخار ہونے کی صورت میں پیناڈال کھائے اور اسٹیم لے ،کھانے میں کوئی کوتاہی نہ کرے۔

ایس ایم منیر کی کوورونا وائرس سے صحتیابی کے بعد سب سے پہلے ان سے ملاقات کرنے والے یو بی جی کینیڈا کے چیئرمین نوید بخاری تھے۔ایس ایم منیر نے نوید بخاری کی خدمات کو سراہتے ہوئے کہا کہ اس مشکل ترین وقت میں انہوں نے میرا بہت خیال رکھا۔کینیڈا سے اینڈی مرچنٹ سمیت دیگر شخصیات اور پاکستان سے یو بی جی کے سیکریٹری جنرل زبیرطفیل،خالدتواب،گلزارفیروز،طارق حلیم،کاٹی کے صدر شیخ عمرریحان، ایس ایم نصیر، نوراحمد خان،حنیف گوہر،شبنم ظفر،اشرف میا،حاجی عرفان یوسف،اکرام راجپوت، محمدرفیق،آغا نعمت اللہ مظہر،اسدمشہدی،ایس ایم تنویر،شکیل احمدڈھینگڑا،مظہرعلی ناصر،منظور ملک، ارشد جمال، ڈاکٹر احسن محمود، انجینئرداروخان، مسعودنقی،زاہدسعید،انجینئرعبدالفتح،اکبرنقی،ثمینہ فاضل،فراز الرحمان، وحید احمد، مسعود احمد، اسامہ قریشی،زبیرچھایا،احمدچنائے،الطاف ایس ٹی،شہزادارشد،فرحان حنیف، محمدیاسین، منیر سلطان، حمیداختر چڈھا،غضنفرعلی خان،ملک سہیل حسین، معروف فیشن ڈیزائنرمس تسنیم صدف،سلمان اسلم،عبدالوحید اوردیگر تاجروصنعتکار رہنمائوں نے ایس ایم منیر کو صحتیابی پر مبارکباد پیش کی ہے۔