گدر پمپ کے مقام پر کھڑے ایکسائز اہلکاروں کی بھتہ وصولی سے تنگ متاثرہ ڈرائیوروں کا شدید احتجاج
پرائیویٹ گاڑی میں کھڑے ایکسائز اہلکار تیل لانے والی چھوٹی گاڑی سے زبردستی پندرہ سو روپے بھتہ وصول کررہے ہیں، ڈرائیوروں کا نو ٹس لینے کا مطا لبہ
ہفتہ 19 ستمبر 2020 00:01
(جاری ہے)
تفصیلات کے مطابق سوراب پنجگور قومی شاہراہ پر ایکسائز اینٹی نارکوٹکس اہلکاروں کی بھتہ وصولی ناقابل برداشت بن چکی ہے، صورتحال سے تنگ چھوٹی گاڑی مالکان اور ڈرائیوروں کا شدید احتجاج، ان کے مطابق گدر بازار سے متصل پل پر کھڑے ایکسائز اہلکاروں کی جانب سے تیل لانے والی چھوٹی گاڑیوں سے پندرہ سو سے دو ہزار روپے زبردستی بھتہ وصول کیا جارہا ہے جو ان کی استطاعت سے باہر ہے، ایک جانب بے روزگار نوجوان فاقہ کشی سے عاجز آ کر اپنے بچوں کے پیٹ پالنے کے لئے تیل کے کاروبار سے مجبوراً وابستہ ہیں جن میں جان جوکھوں میں ڈالنے کے باوجود بچت نہ ہونے کے برابر ہے مگر دوسری جانب سرکاری اہلکار قدم قدم پر قائم ناکوں پر انہیں بھتہ کے نام پر بیدردی سے لوٹ رہے ہیں صرف کلغلی سے سوراب بازار تک ایکسائز، پولیس اور دیگر اداروں کو فی چھوٹی گاڑی پانچ سے چھ ہزار روپے تک کا بھتہ ادا کیا جاتا ہے جبکہ بڑے آئل ٹینکرز اور ٹرکوں سے ہر ناکے اور چوکی پر تیس سے چالیس ہزار روپے تک کی رقم وصول کی جاتی ہے جو سراسر ظلم ہے، انہوں نے کہا کہ جب سے سوراب میں ایکسائز کے نئے آفیسر کی تعیناتی ہوئی ہے غریب مزدور ڈرائیورز کے ساتھ ہونے والے ظلم میں بیتحاشا اضافہ ہوا ہے،مذکورہ آفیسر رات بھر گدر بازار میں پرائیویٹ گاڑی میں سول افراد کے ساتھ سڑک پر کھڑے ہوکر تیل لانے والے گاڑیوں سے زبردستی خودساختہ ریٹ کے مطابق بھتہ طلب کرتا ہے ادائیگی نہ کرنے والوں پر سول افراد کے زریعے تشدد اور مارپیٹ سے بھی گریز نہیں کیا جاتا جو آئین اور قانون کی کھلی پامالی سمیت ریاست کے اندر ریاست قائم کرنے کے مترادف عمل ہے جو کسی صورت صوبے کے مخدوش حالات کے پیش نظر نیک شگون نہیں، انہوں نے وزیر اعلی بلوچستان کورکمانڈر اور صوبائی وزیر داخلہ سے اپیل کی کہ سوراب میں ایکسائز، کسٹم اور دیگر سرکاری اداروں کے نام پر ناجائز بھتہ وصولی کا نوٹس لیکر لاچار طبقہ کو ان کے ظلم سے نجات دلائیں۔
مزید قومی خبریں
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
-
رواں سال مسلسل چوتھے مہینے میں بھی مختلف موبائل فونز کی قیمتوں میں کمی
-
ق*نصف درجن شادیاں کرنے والی دلہن گروہ سمیت گرفتار ۔ عدالت نے مقدمہ ڈسچارج کردیا
-
نیشنل ہائی ویز اینڈ موٹروے پولیس میں ملازمتوں کی تاریخ میں توسیع کردی گئی ہے، ترجمان
-
نادرا کا سائبر سیکیورٹی سسٹم مزید مضبوط کرنے کا فیصلہ
-
طاقت کی دھمکیوں سے نہ کسی کو فائدہ ہوا اور نہ ہوگا،اعظم نذیر تارڑ
-
ْاسٹیبلشمنٹ سے مذاکرات کی خواہش نے پی ٹی آئی کا اصل چہرہ بے نقاب کر دیا،رانا تنویر حسین
-
ووٹ کو عزت ملی ہوتی تو 8 فروری کو نتائج مختلف ہوتے، جاوید لطیف
-
پی ٹی آئی فوج کے بعد حکومت سے بھی مذاکرات کریگی، فیصل واوڈا
-
پاکستان ڈیجیٹل کرنسی کی جانب جانے کا سوچ رہا ہے، وزیر خزانہ
-
p تحریک انصاف کا 3مئی کو فیصل آباد میں جلسہ عام کا اعلان
-
پاکستان کو نمایاں مشکلات کا سامنا ہے،ایم ڈی آئی ایم ایف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.