شاہد آفریدی نے ٹک ٹاک پر پابندی کی حمایت کر دی

پاکستان میں ٹک ٹاک پر پابندی کا فیصلہ اچھا ہے، میں نے تو ٹک ٹاک ویڈیو کبھی بھی نہیں بنائی۔قومی کرکٹ ٹیم کے سابق کپتان کا ٹک ٹاک پر پابندی کے حوالے سے ردعمل

ثنااللہ ناگرہ ہفتہ 10 اکتوبر 2020 19:45

لاہور(اردوپوائنٹ اخبار تازہ ترین۔10 اکتوبر2020ء) قومی کرکٹ ٹیم کے سابق کپتان شاہد آفریدی نے ٹک ٹاک پر پابندی کی حمایت کر دی ہے، انہوں نے کہا کہ پاکستان میں ٹک ٹاک پر پابندی کا فیصلہ اچھا ہے، میں نے تو ٹک ٹاک ویڈیو کبھی بھی نہیں بنائی۔ انہوں نے ٹک ٹاک ایپ پر پابندی کے حوالے سے خبروں پر اپنے بیان میں کہا کہ ٹک ٹاک پر پابندی عائد کرنے کا فیصلہ جس نے بھی کیا ہے، یہ اچھا فیصلہ کیا ہے۔

میں نے کبھی بھی ٹک ٹاک ویڈیو نہیں بنائی۔ ٹک ٹاک پر پابندی کی حمایت کرتا ہوں۔ اس کے برعکس حکومتی رہنماؤں اور وزراء کی جانب سے ٹک ٹاک ایپ پر پابندی کے حوالے سے ملا جلا ردعمل سامنے آیا ہے۔ وفاقی وزیر فواد چودھری نے کہا کہ ڈیجیٹل ٹیکنالوجی پر زیادہ توجہ دینے کی ضرورت ہے۔پولیس اہلکاروں کیلئے خصوصی اردوسافٹ ویئر بنائیں گے۔

(جاری ہے)

ٹیکنالوجی کی مدد سے ہی ملک آگے جاسکتا ہے۔

پی ٹی اے کی جانب سے ٹک ٹاک پر پابندی سے ملک میں ٹیکنالوجی کا بزنس کا بیٹھ جائے گا۔بھارت ٹیکنالوجی بزنس میں کہاں سے کہاں چلا گیا ہے، پاکستان میں ٹیکنالوجی کے بزنس پر پابندی لگانے سے فائدے کی بجائے نقصان ہوگا۔ٹک ٹاک اور دوسری انٹرنیشنل کمپنیز پر پابندی کے حق میں نہیں ہوں۔ سینیٹ کی قائمہ کمیٹی برائے موسمیاتی تبدیلی کی چیئرپرسن سینیٹر ستارہ ایاز نے کہا کہ پاکستان میں ویڈیو شیئرنگ ایپ ٹک ٹاک پر حکومت کی طرف سے پابندی کے اعلان کا خیر مقدم کرتی ہوں۔

ٹک ٹاک پر ممنوعہ ویڈیو پوسٹ کرنا غیر اخلاقی ہے حکومت نے ٹک ٹاک پر پابندی عائد کر کے نوجوان نسل پر کے وقت کو ضیاع سے بچا لیا۔ ہماری نوجوان نسل کو تعلیم پر زیادہ توجہ دینی چاہیے یہ ہماری قوم کا مستقبل ہیں۔ واضح رہے پی ٹی اے نے غیراخلاقی مواد پر کمپنی کو وارننگ دی لیکن عمل نہ ہونے پر گزشتہ روز پاکستان ٹیلی کمیونیکیشن اتھارٹی نے چین کی مشہور ویڈیو شیئرنگ ایپ ٹک ٹاک پر پابندی عائد کر دی تھی۔ اب ترجمان پی ٹی اے کے مطابق غیراخلاقی مواد ہٹانے اور مناسب اقدامات اٹھانے پرپابندی کے فیصلے پرنظرثانی کی جاسکتی ہے۔