جس رفتارسے نو از شریف کا بیانیہ ہر گھر میں پہنچ رہا ہے،عوام کا حکومت اور ایک پیج کے خلاف ردِعمل سامنے آ رہا ہے، مریم نواز

عنقریب ان کو 2200 افراد پر نہیں بلکہ 22 کروڑ عوام پر مقدمے درج کرنا ہوں گے،ٹوئٹ

منگل 20 اکتوبر 2020 18:45

جس رفتارسے نو از شریف کا بیانیہ ہر گھر میں پہنچ رہا ہے،عوام کا حکومت ..

لاہور (اُردو پوائنٹ اخبارتازہ ترین - آن لائن۔ 20 اکتوبر2020ء) مسلم لیگ (ن ) کی نائب صدرمریم نواز نے کہاہے کہ جس رفتار سے محمد نواز شریف کا بیانیہ ہر گھر میں پہنچ رہا ہے اور عوام کا حکومت اور ایک پیج کے خلاف ردِعمل سامنے آ رہا ہے، عنقریب ان کو 2200 افراد پر نہیں بلکہ 22 کروڑ عوام پر مقدمے درج کرنا ہوں گے۔ سماجی رابطے کی ویب سائٹ ٹویٹر پر اپنے پیغام میں مسلم لیگ (ن) کی رہنما مریم نواز نے کہا کہ اگر آپ ووٹ کو عزت دو کے نعروں پر پرچے درج کروا رہے تو آپ کی جیلیں کم پڑ جائیں گی کیونکہ آج پاکستان کے ہر بچے، بزرگ، اور جوان کا ایک ہی مطالبہ ہے کہ ان کے ووٹ کو عزت دی جائے۔

اس نعرے سے تکلیف صرف انھی کو ہے جو عوام کے ووٹ پر ڈاکہ ڈالنے کے جرم کے مرتکب ہوئے ہیں۔انہو ں نے کہا کہ جس رفتار سے محمد نواز شریف کا بیانیہ ہر گھر میں پہنچ رہا ہے اور عوام کا حکومت اور ایک پیج کے خلاف ردِعمل سامنے آ رہا ہے، عنقریب ان کو 2200 افراد پر نہیں بلکہ 22 کروڑ عوام پر مقدمے درج کرنا ہوں گے۔

(جاری ہے)

حکومت کے خلاف ریفرینس عوامی عدالت میں دائر ہو چکا اور وہ نیب کی طرح جعلی نہیں۔

قبل ازیں ایک اور ٹویٹ میں سابق وزیراعظم نواز شریف کی صاحبزادی مریم نو از نے کہا کہ ایک ماہ میں دوسری بار ادویات کی قیمتوں میں 22 سے 35 فیصد اضافہ کر دیا۔دو سال میں بیرونی قرضے 17ارب ڈالر بڑھ گئے۔ نیازی صاحب اگر اپوزیشن کو ٹارگٹ کرنے کی بجائے عوام کے مسائل پر توجہ دی ہوتی تو آج قوم آپکو جھولیاں اٹھا کر بددعائیں نہ دے رہی ہوتی۔