آل کراچی انٹر ڈسٹرکٹ راشد منہاس ٹرافی باسکٹ بال ٹورنامنٹ کا آغاز کل سے ہوگا

جمعرات 22 اکتوبر 2020 17:14

کراچی (اُردو پوائنٹ اخبارتازہ ترین - این این آئی۔ 22 اکتوبر2020ء) ایڈمنسٹریٹر و ڈپٹی کمشنر سائوتھ ارشاد علی سوڈھر کل مورخہ 23اکتوبر 2020بروز جمعہ 8بجے شب انٹر نیشنل عبدالناصر باسکٹ بال کورٹ آرام باغ کراچی انٹر ڈسٹرکٹ باسکٹ بال ٹورنامنٹ (راشد منہاس ٹرافی) کا افتتاح کرینگے ۔

(جاری ہے)

کراچی باسکٹ بال ایسوسی ایشن کے صدر غلام محمد خان نے کہا کہ یہ ٹورنامنٹ لیگ کی بنیاد پر کھیلا جائیگا ٹورنامنٹ میں کراچی کی 6اضلاع کی 12ٹیمیں مد مقابل ہوں گی ٹورنامنٹ کی آغاز پر (آج ) افتتاحی نمائشی میچ ڈپٹی کمشنر سائوتھ الیون بمقابلہ بلدیہ جنوبی الیون کھیلا جائیگا دریں اثناء ڈی سی سائوتھ ارشاد علی سوڈھر نو تزئین شدہ باسکٹ بال کورٹ کا افتتاح بھی کرینگے KBBAبلدیہ جنوبی خصوصاً ڈائریکٹر پارکس اینڈ سروسز DMCسائوتھ آغا سمیر خان درانی اور ڈائریکٹر اسپورٹس DMCسائوتھ آصف عظیم کا دل کی گہرائیوں سے اظہار تشکر کیا ہے کہ انہوںنے ایڈمنسٹریٹر و ڈپٹی کمشنر سائوتھ ارشاد علی سوڈھر کے احکامات کی فوری بجااوری کرتے ہوئے محدود مدت میں عبدالناصر باسکٹ بال کورٹ آرام باغ کراچی کی تزئین و آرائش کے کا کام کو پایہ تکمیل تک پہنچا یا ۔