ایرانی سرحد سے ملحقہ علاقہ آرمینیا سے چِھن گیا، آذری پرچم لہرا دیا گیا

ایران سے ملحقہ اغبند کے علاقے کو آرمینی فوج کے قبضے سے چھڑانے کے بعد وہاں آذربائیجان کا جھنڈا لہرا دیا گیا، ایران اور آذربائیجان کے درمیان سرحد مکمل طور پر محفوظ، اغبند کے سرحدی علاقے سمیت مزید 20 گاؤں بھی آزاد کرالیے گئے، آذری سفیر کا ٹوئٹ

شہریار عباسی جمعرات 22 اکتوبر 2020 22:37

ایرانی سرحد سے ملحقہ علاقہ آرمینیا سے چِھن گیا، آذری پرچم لہرا دیا ..

لاہور(اردوپوائنٹ اخبارتازہ ترین۔ 22 اکتوبر2020ء) آذربائیجان نے ایرانی سرحد سے ملحقہ علاقہ آرمینیا سے چھین لیا، آذاد علاقے میں آذری پرچم لہرا دیا گیا۔ تفصیلات کے مطابق آذربائیجان نے ایرانی سرحد سے ملحق ناگورنو کاراباخ کے علاقے اغبند کو آرمینیا سے آزاد کروا کر اس پر کنٹرول حاصل کرلیا ہے ۔ میڈیا رپورٹس کے مطابق آذربائیجان نے اغبند کے علاقے پر کنٹرول حاصل کر کے اس علاقے میں اپنا پرچم لہرا دیا ہے، ایران سے ملحقہ سرحد اب مکمل طور پر محفوظ بنا دی گئی ہے۔

پاکستان میں تعینات آذری سفیر علی علی زادہ نے سماجی رابطوں کی ویب سائٹ ٹوئٹر پر چیئر کیے گئے ایک پیغام میں لکھا ہے کہ ایران سے ملحقہ اغبند کے علاقے کو آرمینی فوج کے قبضے سے چھڑانےکے بعد وہاں آذربائیجان کا جھنڈا لہرا دیا گیا ہے۔

(جاری ہے)

انہوں نے مزید لکھا کہ اغبند پر کنٹرول کے بعد ایران اور آذربائیجان کے درمیان سرحد مکمل طور پر محفوظ ہوگئی ہے۔

علی علی زادہ نے مزید بتایا کہ آذری فوج نے آرمینیا کے قبضے سے اغبند کے سرحدی علاقے سمیت مزید 20 گاؤں بھی آزاد کرالیے ہیں ۔ آذری سفیر میں اپنی ٹوئٹ میں ایک ویڈیو بھی شامل کی ہے جس میں دیکھا جا سکتا ہے کہ آذری افواج پرچم لہرانے کے بعد نعرے لگا رہے ہیں ۔

Azerbaijani flag🇦🇿 has been hoisted in #Aghbend settlement of #Azerbaijan🇦🇿,liberated from #ArmenianOccupation!
The state border between #Azerbaijan & #Iran has been completely secured through liberation of the Aghbend settlement. #LongLiveAzerbaijanArmy #KarabakhisAzerbajian! pic.twitter.com/eQ7Vx9MAI2
— Ali Alizada 🇦🇿 (@Ali_F_Alizada) October 22, 2020

آذری صدر الہام علیئف نے بھی اپنے بیان میں اغبند کے سرحدی علاقے کو آرمینی فوج کے قبضے سے آزاد کرنے پر خوشی کا اظہارکیا ہے۔

الہام علیئف کا کہنا ہے کہ وہ اس خوشی کے موقع پر آذربائیجان اور ایران کے عوام کو مبارکباد دینا چاہتے ہیں اور اپنی بہادر فوج کو خراج تحسین پیش کرتے ہیں۔ خیال رہے کہ آرمینیا اور آذربائیجان کے درمیان ناگورنو کاراباخ کے معاملے پر کئی روز سے جنگ جاری ہے جس میں سیکڑوں افراد جاں بحق ہوچکے ہیں۔ دونوں ممالک کے درمیان عارضی جنگ بندی کی دو بار کوشش کی گئی لیکن دونوں مرتبہ امن برقرار نہ رہ سکا۔