پی آئی اے کا متبادل ذرائع سے برطانیہ اور فرانس سے پاکستان کیلئے آپریشن کا اعلان

جمعہ 23 اکتوبر 2020 21:54

اسلام آباد (اُردو پوائنٹ اخبارتازہ ترین - آن لائن۔ 23 اکتوبر2020ء) پاکستان انٹرنیشنل ایئر لائن (پی آئی ای) نے متبادل ذرائع سے برطانیہ اور فرانس سے پاکستان کیلئے آپریشن کا اعلان کردیا۔۔نئے یورپی جہازوں کے ساتھ 30 اکتوبر سے برطانیہ اور فرانس سے پروازیں آپریٹ کریں گی۔تفصیلات کے مطابق اسلام آباد سے لندن، لاہور سے لندن، اسلام آباد سے مانچسٹر کیلئے پروازیں براہ راست چلائی جائیں گی۔

پی آئی اے پیرس سے بھی اسلام آباد اور لاہور کیلئے براہ راست پروازیں آپریٹ کی جائیں گی۔

(جاری ہے)

پی آئی اے کا فرانس کا جی ایس اے خصوصی چارٹرڈ پروازوں سے مسافروں کو وطن پہنچائے گا۔ سول ایوی ایشن اتھارٹی نے ہائی فلائی کو لاہور اسلام آباد ایئرپورٹ پر لینڈنگ کی اجازت دیدی۔سی اے اے نے 30اکتوبر سی29جنوری2021تک کی لینڈنگ کی اجازت دی ہے۔ پی آئی اے نے سی اے اے کو چارٹرڈ پروازوں کی لینڈنگ کی اجازت کیلئے درخواست دی تھی۔سی اے اے کے مطابق چارٹرڈ پروازیں حکومت کی وضح کردہ ایس او پیز رپر مکمل عمل درآمد کریں گی۔ پی آئی اے ہائی فلائی چارٹرڈ پروازوں سے مسافروں کو برطانیہ، فرانس سے پاکستان پہنچائے گی۔