تا تاجر برادری ملکی معیشت میں ریڑھ کی ہڈی کی حیثیت رکھتی ہے، انہیں درپیش مسائل ترجیحی بنیادوں پر حل کیے جائیںگے،گورنر سندھ

بدھ 28 اکتوبر 2020 22:51

حیدرآباد(اُردو پوائنٹ اخبارتازہ ترین - آن لائن۔ 28 اکتوبر2020ء) گو رنر سندھ عمران اسماعیل اور وفاقی وزیر توانائی عمر ایوب نے اپنے ایک روزہ دورہ حیدرآباد کے دوران سرکٹ ہاؤس حیدرآباد میں ایوان صنعت و تجارت حیدرآبادکے ایک وفد کے ساتھ اجلاس منعقد کیا ۔ اجلاس میں وفد کے اراکین نے صنعتکاروں اور تاجروں کو درپیش مسائل سے گورنر سندھ کو آگاہ کیا ۔

(جاری ہے)

گورنر سندھ نے اس موقع پر کہا کہ تاجر برادری ملک کی معیشت میں ریڑھ کی ہڈی کی حیثیت رکھتی ہے اور انہیں درپیش مسائل ترجیحی بنیادوں پر حل کیے جائیںگے۔بعد ازاں گورنر سندھ عمران اسماعیل سے معززین کے ایک وفد نے بھی ملاقات کی۔ملاقات کے دوران وفد نے گورنر سندھ کو حیدرآباد میںلوگوں کے مختلف مسائل سے متعلق آگاہ کیا جس پرگورنر سندھ عمران اسماعیل نے معززین کے وفد کو یقین دلایا کہ حیدرآباد کے لوگوں کے مسائل کے حل کیلئے وہ ہر ممکن کوشش کریں گے۔ اراکین سندھ اسمبلی حلیم عادل شیخ ، رابستان خان ،سعیدآفریدی ، سدرہ عمران، خرم شیر زمان اور علی جونیجوو دیگربھی اس موقع پر موجود تھی