160 روپے کے مقابلے میں امریکی ڈالر کی قدر میں کمی کا رجحان،160روپے کی سطح سے بھی نیچے آگیا

بدھ 25 نومبر 2020 20:16

کراچی (اُردو پوائنٹ اخبارتازہ ترین - این این آئی۔ 25 نومبر2020ء) مقامی کرنسی مارکیٹوں میں بدھ کو بھی پاکستانی روپے کے مقابلے میں امریکی ڈالر کی قدر میں کمی کا رجحان دیکھنے میں آیا جس کے باعث ڈالر 160روپے کی سطح سے بھی نیچے آگیاجب کہ یورو اور برطانوی پاونڈکی قدر میں بھی نمایاں کمی ریکارڈ کی گئی ۔

(جاری ہے)

فاریکس ایسوسی ایشن آف پاکستان کے مطابق گزشتہ روز انٹربینک میں روپے کے مقابلے ڈالر کی قدر میں1.13روپے کی کمی ریکارڈ کی گئی جس سے ڈالر کی قیمت خرید160.43روپے سے گھٹ کر159.30روپے اور قیمت فروخت160.63روپے سے گھٹ کر159.35روپے کی سطح پر آگئی جب کہ مقامی اوپن کرنسی مارکیٹ میںبھی ڈالر کی قدر میں1.20روپے کی کمی ہوئی جس سے ڈالر کی قیمت خرید160.50روپے سے گھٹ کر159.30روپے اور قیمت فروخت160.80روپے سے گھٹ کر159.70روپے ہو گئی ۔

فاریکس رپورٹ کے مطابق یورو کی قیمت خرید1.90روپے کی کمی سی187روپے اور قیمت فروخت190.90روپے سے گھٹ کر189روپے ہوگئی جبکہ2.50روپے کی کمی سے برطانوی پونڈ کی قیمت خرید212.50روپے سے گھٹ کر210روپے اور قیمت فروخت214.50روپے سے گھٹ کر212روپے ہو گئی ۔