پی ٹی اے نے موٹروے ہیلپ لائن پر کی جانے والی کال مفت کر دی

ملک بھر کی موٹرویز پر کسی بھی مسافر کی جانب سے 130 پر کی جانے والی کال کے چارجز نہیں کاٹے جائیں گے

محمد علی جمعرات 26 نومبر 2020 00:09

لاہور (اُردوپوائنٹ اخبار تازہ ترین ۔ 25 نومبر 2020ء) پی ٹی اے نے موٹروے ہیلپ لائن پر کی جانے والی کال مفت کر دی، ملک بھر کی موٹرویز پر کسی بھی مسافر کی جانب سے 130 پر کی جانے والی کال کے چارجز نہیں کاٹے جائیں گے۔ تفصیلات کے مطابق پی ٹی اے کی جانب سے موٹروے اور دیگر نیشنل ہائی ویز پر سفر کرنے والے مسافروں کی سہولت کیلئے اہم اعلان کیا گیا ہے۔

(جاری ہے)

In this regard, IG Motorways, Mr. Kaleem Imam met Chairman PTA, Maj. General (R) Amir Azeem Bajwa today at PTA Headquarters. During the meeting, issues related to telecom coverage on different motorways and highways including M-3 and Hazara Expressway were also discussed. pic.twitter.com/9HCp7xjjKv
— PTA (@PTAofficialpk) November 25, 2020

بتایا گیا ہے کہ بدھ کے روز آئی جی موٹر ویز کلیم امام نے پی ٹی اے کے چیئرمین میجر جنرل ریٹائرڈ عامر عظیم باجوہ سے اہم ملاقات کی۔ ملاقات کے دوران ملک بھر کی موٹرویز اور قومی شاہراہوں پر ٹیلی کام کوریج سے متعلق امور پر تبادلہ خیال کیا گیا۔ ملاقات کے دوران اتفاق طے پانے کے بعد پاکستان ٹیلی کمیونیکیشن اتھارٹی نے نیشنل ہائی وے اینڈ موٹروے پولیس کی ہیلپ لائن پر کی جانے والی کالز مفت کردی ہیں۔ اعلان کیا گیا ہے کہ آئندہ سے قومی شاہراہوں ہر سفر کرنے والے مسافر بذریعہ موبائل 130 پر اب مفت کال کی سہولت سے مستفید ہوں گے۔ آئندہ 130 پر کی جانے والی تمام کالز پر کسی قسم کی کٹوتی نہیں کی جائے گی۔