مشیر اطلاعات پنجاب نے لاہور کے لال شہباز قلندر انڈر پاس کو فردوس انڈر پاس قرار دے دیا

فردوس عاشق اعوان نے لال شہباز قلندر انڈر پاس کو فردوس انڈر پاس کہا تو ٹوئٹر صارفین چکرا گئے، سوالات کی بوچھاڑ کردی

شہریار عباسی جمعہ 27 نومبر 2020 01:00

مشیر اطلاعات پنجاب نے لاہور کے لال شہباز قلندر انڈر پاس کو فردوس انڈر ..

لاہور (اُردو پوائنٹ اخبارتازہ ترین ۔ 26 نومبر2020ء) مشیر اطلاعات پنجاب ڈاکٹر فردوس عاشق اعوان نے لاہور کے لال شہباز قلندر انڈر پاس کو فردوس انڈر پاس قرار دے دیا ۔ تفصیلات کے مطابق وزیر اعلیٰ پنجاب سردار عثمان بزدار نے آج لاہور کے علاقے گلبرگ میں سنٹر پوائنٹ کے قریب ’’لال شہباز قلندر‘‘ انڈرپاس کا افتتاح کیا، یہ پراجیکٹ ریکارڈ مدت میں ایک ارب روپے کی لاگت سے مکمل ہوا جبکہ اس کی تعمیر میں تقریباََ 13 کروڑ کی بچت کی گئی ، حکومت پنجاب کے اس میگا پراجیکٹ کا کریڈٹ لینے کے لیےمشیر اطلاعات پنجاب فردوس عاشق اعوان نے ایک ٹوئٹ میں لکھا کہ ’’وزیراعلی پنجاب عثمان بزدارکی انتھک محنت رنگ لےآئی۔

عوام کےدلوں کوجوڑنےاورذرائع آمدورفت کوآسان بنانےکیلئےبننےوالافردوس انڈرپاس پنجاب حکومت کالاہوریوں کیلئےنایاب تحفہ ہے۔

(جاری ہے)

وزیراعلی پنجاب عثمان بزدارآج اس کاافتتاح کرکےلاہور کی تاریخی،سیاحتی اورثقافتی حیثیت کواجاگرکریں گے‘‘ ۔

وزیراعلی پنجاب عثمان بزدارکی انتھک محنت رنگ لےآئی۔عوام کےدلوں کوجوڑنےاورذرائع آمدورفت کوآسان بنانےکیلئےبننےوالافردوس انڈرپاس پنجاب حکومت کالاہوریوں کیلئےنایاب تحفہ ہے۔وزیراعلی پنجاب عثمان بزدارآج اس کاافتتاح کرکےلاہور کی تاریخی،سیاحتی اورثقافتی حیثیت کواجاگرکریں گے
— Dr. Firdous Ashiq Awan (@Dr_FirdousAwan) November 26, 2020

انہوں نے اس ٹوئٹ میں لکھا کہ فردوس انڈرپاس، جس کے بعد ٹوئٹر صارفین کی جانب سے ان پر سوالات کی بوچھاڑ کردی گئی ۔

خان کا سپاہی نامی صارف نے لکھا کہ ’’آپا فردوس آپ نے اپنے نام پر رکھا ہے کیا انڈرپاس یا یہ محض اتفاق ہے‘‘ ۔

آپا فردوس آپ نے اپنے نام پر رکھا ہے کیا انڈرپاس یا یہ محض اتفاق ہے
😂😂😂😂😂😂
— پاکستان میری پہچان 🇵🇰🇵🇰 (@KhanSipahi1197) November 26, 2020

مولا جٹ نامی صارف نے لکھا کہ ’’ انڈر پاس کا نام آپا فردوس کے نام ؟ کیا یہ کھلا تضاد نہیں‘‘ ۔

انڈر پاس کا نام آپا فردوس کے نام ؟

کیا یہ کھلا تضاد نہیں 😎
— Mola Jatt (@MolaaJatt) November 26, 2020

ملک کاشف نامی صارف نے اپنی ٹوئٹ میں لکھا کہ ’’ فردوس انڈر پاس یا فردوس عاشق اعوان انڈر پاس ؟؟ ۔

فردوس انڈر پاس یا فردوس عاشق اعوان انڈر پاس ؟؟
— Common Man' (@its4CommonMan) November 26, 2020

صارفین کی جانب سے یہ سوالات مشیر اطلاعات کی لاعلمی کے باعث کیے گئے، کیونکہ وہ لال شہباز قلندر انڈر پاس کا نام لکھنا بھول گئی تھیں، اور انہوں نے اس کا نام فردوس انڈر پاس لکھ دیا تھا ۔