شوبز میں کام حاصل کرنے کیلئے کبھی سفارش کا سہارا نہیں لیا‘ ہما علی

محنت کاسفر طویل ضرور ہوتا ہے مگر اس میں انسان کی عزت ضرور محفوظ رہتی ہے

ہفتہ 28 نومبر 2020 12:04

شوبز میں کام حاصل کرنے کیلئے کبھی سفارش کا سہارا نہیں لیا‘ ہما علی

لاہور (اُردو پوائنٹ اخبارتازہ ترین - این این آئی۔ 28 نومبر2020ء) فلم ، ٹی وی اور اسٹیج کی خوبرو اداکارہ ہما علی نے کہا ہے کہ شوبز میں کام حاصل کرنے کے لئے کبھی سفارش کا سہارا نہیں لیا ، کامیابیوں کے جس سفر کی جانب گامزن ہوں اس میں والدین کی خصوصی دعائیں شامل ہیں ۔

(جاری ہے)

خصوصی گفتگو کرتے ہوئے انہوں نے کہا کہ میری ابتداء فلم سے ہوئی تھی اور بعد میں اسٹیج کی طرف آئی جہاں مجھے پرستاروں کی جانب سے بے پناہ محبت ملی ۔ کبھی شہرت کے لئے شارٹ کٹ راستہ استعمال کرنے کی قائل نہیں رہی ،محنت کاسفر طویل ضرور ہوتا ہے مگر اس میں انسان کی عزت ضرور محفوظ رہتی ہے ۔ہما علی نے کہا کہ رقص اسٹیج ڈرامے کا لازمی جزو ہے لیکن مجھے اپنی حدود کا پتہ ہے ۔