میاں محمد نواز شریف کی والدہ کے ایصال ثواب کیلئے قرآن خوانی و دعائے مغفرت

پیر نومبر 17:41

میاں محمد نواز شریف کی والدہ کے ایصال ثواب کیلئے قرآن خوانی و دعائے ..
ڈیرہ اسماعیل خان۔30نومبر  (اُردو پوائنٹ اخبارتازہ ترین - اے پی پی۔ 30نومبر2020ء) :مسلم لیگ ن ڈیرہ کی طرف سے میاں محمد نواز شریف اور میاں محمد شہباز شریف صدر پاکستان مسلم لیگ ن کی والدہ کے ایصال ثواب کیلئے قرآن خوانی و دعائے مغفرت ۔

(جاری ہے)

تفصیلات کے مطابق پاکستان مسلم لیگ ن ڈیرہ کے سابق ضلعی صدر ریحان ملک روڈی خیل اور سابق جنرل سیکرٹری چوہدری ریاض ایڈوکیٹ کی جانب سے سابق وزیر اعظم میاں محمد نواز شریف اورصدر پاکستان مسلم لیگ ن و سابق وزیر اعلیٰ پنجاب میاں محمد شہباز شریف کی والدہ بیگم شمیم کے ایصال ثواب کیلئے جامعہ مسجد گلزار میں قرآن خوانی کا انعقاد کیا گیا جس میں صوبائی رہنما وسابق رکن قومی اسمبلی داور خان کنڈی، اللہ نواز کھرل، ذیشان راج، روشن ضمیر لغاری ایڈوکیٹ سمیت لیگی رہنماﺅں و کارکنوں اور اہل علاقہ نے شرکت کی۔