سیالکوٹ کی بزنس کمیونٹی ایک بار پھر سب سے آگے

اپنی مدد آپ کے تحت قائم کی گئی ائیر لائین کیلئے نیا طیارہ حاصل کر لیا وزیراعظم عمران خان 9 دسمبر کو سیالکوٹ کا دورہ کر رہے ہیں،عثمان ڈار

پیر 30 نومبر 2020 22:54

سیالکوٹ (اُردو پوائنٹ اخبارتازہ ترین - آن لائن۔ 30 نومبر2020ء) سیالکوٹ کی بزنس کمیونٹی ایک بار پھر سب سے آگے،اپنی مدد آپ کے تحت قائم کی گئی ائیر لائین کیلئے نیا طیارہ حاصل کر لیا۔سیال ائیر کا پہلا اے 320 ائیر بس طیارہ کراچی پہنچ گیا۔وزیراعظم کے معاون خصوصی عثمان ڈار نے ائیر سیال انتظامیہ اور چیمبر آف کامرس کو مبارکباد دیتے ہوے کہا ہے ۔

(جاری ہے)

وزیراعظم عمران خان 9 دسمبر کو سیالکوٹ کا دورہ کر رہے ہیں۔ انہوں نے کہا موجودہ حکومت بزنس کمیونٹی کی سہولت کیلئے ہر ممکن تعاون کر رہی ہے۔ انہوں نے کہا ائیرسیال کے لائسنسز کے معاملات میں وزیراعظم اور وفاقی کابینہ نے اہم کردار ادا کیا ہے ۔ انہوں نے کہا اہم پیش رفت سے نوجوانوں کیلئے روزگار کے وسیع مواقع ملیں گے ۔ انہوں نے کہا سیالکوٹ کی ایکسپورٹ انڈسٹری کو غیر معمولی فائدہ ہو گا۔عثمان ڈار نے کہا خطے میں ہوائی سفر میں بھی مزید آسانیاں فراہم کی جا سکیں گی۔