پاکستان میں پروفیشنل باڈیز میں جمہوری روایات و اقدار کا فروغ خوش آئند ہے، بلاول بھٹو زرداری

ملک میں آئین و قانون کی بالادستی کی جدوجہد میں وکلاء برادری کا کردار ناقابل فراموش رہا ہے، چیئر مین پیپلز پارٹی

جمعرات 3 دسمبر 2020 17:24

پاکستان میں پروفیشنل باڈیز میں جمہوری روایات و اقدار کا فروغ خوش آئند ..

اسلام آباد (اُردو پوائنٹ اخبارتازہ ترین - این این آئی۔ 03 دسمبر2020ء) پاکستان پیپلز پارٹی چیئرمین بلاول بھٹو زرداری نے سندھ بار کونسل کے نومنتخب ارکان ضیاء الحسن لنجار سمیت تمام کامیاب امیدواران کو مبارکباد دیتے ہوئے کہا ہے کہ پاکستان میں پروفیشنل باڈیز میں جمہوری روایات و اقدار کا فروغ خوش آئند ہے۔ اپنے بیان میں بلاول بھٹو زر داری نے کہاکہ پاکستان میں پروفیشنل باڈیز میں جمہوری روایات و اقدار کا فروغ خوش آئند ہے۔

(جاری ہے)

انہوںنے کہاکہ ملک میں آئین و قانون کی بالادستی کی جدوجہد میں وکلاء برادری کا کردار ناقابل فراموش رہا ہے۔انہوںنے کہاکہ کٹھ پتلی حکومت کا مطلب آئین و قانون کی پامالی اور عوام کے حقِ حاکمیت پر ڈاکہ ہے۔بلاول بھٹو زرداری نے کہاکہ نظامِ انصاف کو درپیش غیرمعمولی مشکلات کے باعث بار کو اپنے حصے سے زیادہ وزن اٴْٹھانا ناگزیر ہے۔ انہوںنے کہاکہ پیپلز پارٹی کی قیادت و کارکنان کی ملک میں جمہوریت، انصاف اور مساوات کے لیے جدوجہد و قربانیاں سب کے سامنے ہیں۔ انہوںنے کہاکہ پیپلز پارٹی ملک کے متفقہ آئین کی معمار کی حیثیت سے اقتدار میں آکر نظام انصاف سے بلیک ہولز کا خاتمہ کرے گی۔