موسم سرما کی متوقع بارشوں کے پیش نظر ہٹیاں بالا انتظامی اداروں کو الرٹ رہنے کی ہدایات جاری

جہلم ویلی ۔4دسمبر  (اُردو پوائنٹ اخبارتازہ ترین - اے پی پی۔ 04 دسمبر2020ء) :ڈپٹی کمشنر طارق محمود نے موسم کی بدلتی ہوئی صورتحال اور موسم سرما کی متوقع بارشوں کے پیش نظر ہٹیاں بالا انتظامی اداروں کو الرٹ رہنے کی ہدایات جاری کر دی، محکمہ موسمیات کی رپورٹ کے مطابق رواں ہفتہ  شدید بارشوں کا امکان ہے جس کے پیش نظر جہلم ویلی سڑک پر لینڈ سلائیڈنگ ہوتی ہے، انہوں نے کہا اس دوران کسی قسم کے غیر ضروری سفر سے اجتناب کیا جائے، اور ہنگامی صورتحال کے پیش نظر اپنے تمام تر وسائل کو بروئے کار لایا جائے اور مشینری کو الرٹ رکھا جائے مزید برآں انہوں نے کہا شہریوں کے جان و مال کے تحفظ کو یقینی بنایا جائے بلدیہ کے اہلکار حالیہ بارشوں کے دوران کسی بھی آگامی صورت حال سے نمٹنے کے لیے تیار رہیں ریسکیو ٹریفک پولیس انتظامیہ بلدیہ محکمہ مال شاہرات لائیو سٹاک اور دیگر تمام اداروں کے ملازمین کو الرٹ رہنے کی ہدایات جاری کی ہیں حالیہ بارشوں میں محتاط رہا جائے شہریوں کے تحفظ کے لیے ہر ممکن اقدامات جاری رکھے جاہیں  قانون کی خلاف ورزی کرنیوالوں کے خلاف سخت قانونی کارروائی عمل میں لائی جائے گی کرونا وائرس کے خدشات اور موسم کی بدلتی ہوئی صورتحال کے تناظر میں لوگوں کو گھروں میں رہنا ہو گا، غیر ضروری گومنے پھرنے سے اجتناب کرنا ہو گا، انہوں نے جہلم ویلی میں انتظامی ادروں کو ھدایات جاری کرتے ھوئے کہا کہ  صفائی ستھرائی کے نظام  کو بھی یقینی بنایا جائے تاکہ متوقع  بارشوں کا پانی کھڑا نہ رہ سکے، انہوں نے محکمہ شاہرات اور ریسکیو 1122 کو کسی بھی آگامی صورت حال سے نمٹنے کی ھدایات جاری کی ہیں۔