پیمرا نے نجی ٹی وی چینل کا لائسنس معطل کر دیا

بول نیوز کی جانب سے جرمانے کی عدم ادائیگی پر پیمرا کو ایکشن لینا پڑا

محمد علی جمعہ 4 دسمبر 2020 23:29

اسلام آباد (اُردو پوائنٹ اخبارتازہ ترین۔ 04 دسمبر2020ء) پیمرا نے نجی ٹی وی چینل کا لائسنس معطل کر دیا۔ تفصیلات کے مطابق پاکستان میں الیکٹرانک میڈیا کو ریگولیٹ کرنے والے ادارے پیمرا کی جانب سے نجی ٹی وی چینل بول نیوز کیخلاف کاروائی کی گئی ہے۔

(جاری ہے)

اس حوالے سے پیمرا کی جانب سے سماجی رابطوں کی ویب سائٹ ٹوئٹر پر جاری کردہ پیغام کے ذریعے ٹی وی صارفین کو آگاہ کیا گیا۔

pic.twitter.com/Y43J1BzZYA
— Report PEMRA (@reportpemra) December 4, 2020

پیمرا کی جانب سے بتایا گیا ہے کہ نجی ٹی وی چینل بول نیوز پر 47 لاکھ روپے کا جرمانہ عائد کیا گیا تھا جسے ادا نہیں کیا گیا۔ جرمانے کی عدم ادائیگی پر اب پیمرا نے بول نیوز لائسنس معطل کر دیا۔ پیمرا نے موقف اختیار کیا ہے کہ جرمانے کی ادائیگی تک بول نیوز کا لائسنس معطل رہے گا۔