ہفتے کی صبح متحدہ عرب امارات کے علاقے شدید دھند کی لپیٹ میں آںے کا امکان

جمعہ کی رات 11 بجے سے صبح 10 بجے تک کئی علاقے دھند کی لپیٹ میں رہیں گے، لوگوں کو نقل و حرکت کے سلسلے میں احتیاط برتنے کی ہدایت

محمد علی ہفتہ 5 دسمبر 2020 01:21

ابوظہبی (اُردو پوائنٹ اخبارتازہ ترین۔ 04 دسمبر2020ء) ہفتے کی صبح متحدہ عرب امارات کے علاقے شدید دھند کی لپیٹ میں آںے کا امکان، رات 1 بجے سے صبح 10 بجے تک کئی علاقے دھند کی لپیٹ میں رہیں گے، لوگوں کو نقل و حرکت کے سلسلے میں احتیاط برتنے کی ہدایت۔ تفصیلات کے مطابق متحدہ عرب امارات کے محکمہ موسمیات کی جانب سے جاری کردہ رپورٹ میں دھند والے موسم کی پیشن گوئی کی گئی ہے۔

(جاری ہے)

A chance of fog formation with deterioration of horizontal visibility over costal and internal areas, from 01:00, until 10:00 Saturday 05/12/2020. pic.twitter.com/aXe06RhcYH
— المركز الوطني للأرصاد (@ncmuae) December 4, 2020

رپورٹ میں بتایا گیا ہے کہ متحدہ عرب امارات کے کئی علاقے ہفتے کی صبح دھند کی لپیٹ میں رہ سکتے ہیں۔ دھند کا آغاز جمعہ کی رات 11 بجے ہوگا جو ہفتے کی صبح 10 بجے تک کئی علاقوں کو اپنی لپیٹ میں لیے رکھ سکتی ہے۔ اس تمام صورتحال میں امارات میں مقیم لوگوں کو نقل و حرکت کے سلسلے میں احتیاط کرنے کی ہدایت کی گئی ہے۔ خاص کر شاہراہوں پر سفر کرنے والوں کو ڈرائیونگ کے معاملے میں ہر ممکن طور پر محتاط رہنے کی تلقین کی گئی ہے۔ پولیس کی جانب سے گاڑیاں چلانے والے حضرات کو تلقین کی گئی ہے کہ ڈرائیونگ کرتے وقت احتیاط کی جائے، حد رفتار کے حوالے سے جاری ہدایات پر ہر صورت عمل کیا جائے۔