حکومت کو کوئی خطرہ نہیں ،اپوزیشن جماعتیں اپنی حیثیت منوانے کیلئے جتن کر رہی ہیں‘ جمشید اقبال چیمہ

اپوزیشن کے ہر احتجاج کا نتیجہ مزید ناکامی کی صورت میں نکلتا ہے ‘جنرل سیکرٹری انصاف ویلفیئر ونگ

بدھ 20 جنوری 2021 12:04

حکومت کو کوئی خطرہ نہیں ،اپوزیشن جماعتیں اپنی حیثیت منوانے کیلئے جتن ..

لاہور(اُردو پوائنٹ اخبارتازہ ترین - این این آئی۔ 20 جنوری2021ء) انصاف ویلفیئر ونگ کے مرکزی سیکرٹری جنرل جمشید اقبال چیمہ نے کہا ہے کہ اپوزیشن جماعتوں کی سیاست تنزلی کی اس نہج پر پہنچ گئی ہے کہ اب انہیں ایک دوسرے کا کندھا استعمال کرنا پڑ رہا ہے ،حکومت کو اپوزیشن کی سر گرمیوں سے کوئی خطرہ نہیں کیونکہ اس وقت اپوزیشن جماعتیں خود اپنی حیثیت منانے کے جتن کر رہی ہیں ۔

ان خیالات کا اظہار انہوں نے حلقہ این اے 127کے وفد سے ملاقات میں گفتگو کرتے ہوئے کیا ۔جمشید اقبال چیمہ نے کہا کہ اپوزیشن کے ہر احتجاج کا نتیجہ مزید ناکامی کی صورت میں نکلتاہے ۔

(جاری ہے)

اپوزیشن ضرور سیاسی سر گرمیاں کرے لیکن یہ ملک و قوم کے مفاد میں ہونی چاہئیں جس کا حکومت خیر مقدم کرے گی ۔ انہوں نے کہا کہ جن کی اپنی سیاست حالت نزاع میں ہو اس سے حکومت کو کیا خطرات لا حق ہو سکتے ہیں ، ہم ہرگز یہ نہیں چاہتے کہ اپوزیشن مقابلے پر نہ ہو لیکن انہیں کرپشن کے نظریات اور بیانیے کو چھوڑنا ہوگا ۔

انہوں نے مزید کہا کہ حکومت معیشت کی رفتار بڑھانے کیلئے تمام شعبوں کو فعال کر رہی ہے جس کے مثبت نتائج سامنے آئے ہیں ۔تعمیراتی شعبے کیلئے جو مراعات دی گئی ہیں اس سے دیگر بہت سے شعبے عروج حاصل کریں گے جس سے ہماری مجموعی گروتھ بڑھے گی۔