لکی مروت، پولیس نے ایک شخص کو غیر قانونی اسلحہ ،دستی بموں سمیت گرفتار کرلیا

منگل 23 فروری 2021 21:58

لکی مروت(اُردو پوائنٹ اخبارتازہ ترین - این این آئی۔ 23 فروری2021ء) پولیس نے ڈی آئی خان سے تعلق رکھنے والے ایک شخص کو غیر قانونی اسلحہ اور دستی بموں سمیت گرفتار کرلیا ۔

(جاری ہے)

پولیس کا کہنا ہے کہ تھانہ لکی مروت کی پولیس پارٹی دولت خیل علاقے میں گشت پر تھی کہ اس دوران مشتبہ مسلح شخص کی موجودگی کی اطلاع ملی، پولیس پارٹی موقع پر پہنچی تو مشتبہ شخص بھاگ کھڑا ہوا جسے تعاقب کرکے دھرلیا گیا اور اس کے قبضے سے ایک کلاشنکوف، تین میگزین، دو دستی بم اور کارتوس برآمد کرلئے گئے۔ پولیس کے مطابق گرفتار ملزم امانت گل سکنہ ڈی آئی خان کے خلاف مقدمہ درج کرکے تفتیش شروع کردی گئی۔