Live Updates

5 اکتوبر احتجاج کیس میں علیمہ خان ،عظمی خان کی عبوری ضمانت میں توسیع

جمعہ 17 اکتوبر 2025 13:28

لاہور(اُردو پوائنٹ اخبارتازہ ترین - این این آئی۔ 17 اکتوبر2025ء) انسداد دہشتگردی کی خصوصی عدالت نے 5 اکتوبر احتجاج کیس میں بانی پی ٹی آئی عمران خان کی بہنوں کی عبوری ضمانت میں توسیع کر دی۔انسداد دہشتگردی کی خصوصی عدالت لاہور کے ڈیوٹی جج نے علیمہ خان اور عظمی خان کی عبوری ضمانت کی درخواستوں پر سماعت کی۔

(جاری ہے)

علیمہ خان اور عظمی خان کے وکیل رانا مدثر عمر ایڈووکیٹ نے حاضری معافی کی درخواست دائر کی جس میں موقف اپنایا گیا کہ دونوں بہنیں اسلام آباد کی انسدادِ دہشتگردی کی خصوصی عدالت میں کیسز میں پیشی کیلئے گئی ہوئی ہیں۔عدالت نے علیمہ خان اور عظمی خان کی ایک روزہ حاضری معافی کی درخواست منظور کر تے ہوئے دونوں کی عبوری ضمانت کی درخواستوں میں 24 اکتوبر تک توسیع کر دی۔