Live Updates

ویکسین اثر دکھا رہی ہے، اموات کم ہوگئیں، برطانوی وزیر صحت

بچوں اور نوجوانوں کی ذہنی صحت کے لئے اضافی 79 ملین پائونڈ دیئے جائیں گے،برطانوی وزیرصحت

ہفتہ مارچ 12:02

ویکسین اثر دکھا رہی ہے، اموات کم ہوگئیں، برطانوی وزیر صحت
لندن(اُردو پوائنٹ اخبارتازہ ترین - این این آئی۔ 06 مارچ2021ء) برطانوی وزیر صحت میٹ ہینکاک نے کہا ہے کہ پیر سے اسکولز اور کیئر ہومز میں ایک عزیز سے ملنے کی اجازت ہوگی۔ میڈیارپورٹس کے مطابق لندن میں سوسن ہاپکنز کے ہمراہ پریس بریفنگ میں انھوں نے کہا کہ ویکسین کام کررہی ہے، کورونا وائرس سے ہونے والی اموات کم ہوگئی ہیں۔

(جاری ہے)

میٹ ہینکاک کے مطابق اکتوبر کے بعد اسپتال میں داخلے کی شرح کم ترین سطح پرآگئی ہے۔

اسپتالوں میں داخل افراد کی تعداد 12,136 ہے، یہ تعداد زیادہ ہے۔ ڈیٹا درست سمت میں جانے کی تصدیق کررہا ہے۔ ڈیٹا کی بنیاد پر ہی پابندیاں اٹھائی جائیں گی۔ برطانوی وزیر صحت نے مزید بتایا کہ بچوں اور نوجوانوں کی ذہنی صحت کے لئے اضافی 79 ملین پائونڈ دیئے جائیں گے۔ انھوں نے کہا کہ این ایچ ایس ورکرزکی تنخواہ میں ایک فیصد اضافہ حالات کے مطابق ہے۔
پاکستان میں کرونا وائرس کی تیسری لہر سے متعلق تازہ ترین معلومات

متعلقہ عنوان :