پاکستان: کورونا کی وبا پر قابو کے لیے سفری پابندیاں سخت تر

اسلام آباد (اُردو پوائنٹ ۔ DW اردو۔ 02 مئی 2021ء) پاکستان کے نیشنل کمانڈ آپریشن سینٹر کی طرف سے ملک میں کورونا کیسز میں مسلسل اضافے کے باعث بین الاقوامی مسافر پروازوں میں 80 فیصد کمی کے اعلان کے بعد پی آئی اے نے سعودی عرب کے لیے پروازوں کے ایس او پیز بھی بدل دیے ہیں۔ کورونا وائرس کے پھیلاؤ کے خلاف حکومت پاکستان اپنی حکمت عملی کے حوالے سے کئی نئے اقدامات کر رہی ہے۔

پاکستان کی قومی ایئر لائن پی آئی اے کی سعودی عرب کے لیے پروازوں سے متعلق معیاری حفاظتی ضوابط میں چند بنیادی تبدیلیوں کا اعلان سول ایوی ایشن اتھارٹی نے کیا اور اس سلسلے میں ایک نیا ہدایت نامہ بھی جاری کر دیا گیا ہے۔

احتیاط نہ کی تو پاکستان کا بھی بھارت جیسا حال ہو گا، عمران خان

نیشنل کمانڈ آپریشن سینٹر )این سی او سی( نے ہفتے کے روز ٹوئٹر پر حکومت پاکستان کے کووڈ انیس کے پھیلاؤ کے خلاف تازہ ترین اقدامات کے بارے میں لکھا تھا، ''کورونا وائرس سے پیدا ہونے والی بیماری کووڈ انیس کے عالمی اور علاقائی سطح پر مسلسل پھیلاؤ اور کیسز میں اضافے کی صورتحال کے پیش نظر بین الاقوامی فضائی سفر 5 تا 20 مئی محدود کرنے کا فیصلہ کیا گیا ہے۔

(جاری ہے)

‘‘

کورونا بحران:بھارت کو پاکستان سمیت متعدد ملکوں سے امداد کی پیشکش

متاثرہ پروازیں

بین الاقوامی پروازوں کو محدود کرنے کے فیصلے کے ساتھ ہی یہ امر واضح کر دیا گیا کہ ان پابندیوں کا اطلاق تمام چارٹرڈ اور نجی پروازوں کے ساتھ ساتھ طے شدہ شیڈول کے مطابق آنے جانے والی عام مسافر پروازوں پر بھی ہو گا۔ اس کے ساتھ ہی تمام بین الاقوامی مسافروں کو ہوائی اڈوں پر کورونا کا RAT ٹیسٹ کروانا ہوگا اور پاکستان کے لیے کسی پرواز میں سوار ہونے سے پہلے 72 گھنٹوں کے اندر اندر کرائے گئے RT-PCR کی منفی بھی رپورٹ دکھانا ہو گی۔

قرنطینہ کے ضوابط

ایسے مسافر بھی دس دن تک قرنطینہ میں رہیں کریں گے، جن کا کووڈ ٹیسٹ منفی آیا ہو۔ ان مسافروں کو مخصوص نوعیت کے مراکز میں بھیج دیا جائے گا، جن کے کووڈ ٹیسٹ کی رپورٹ مثبت ہو اور ایسے افراد کو ان مراکز میں قیام کے اخراجات خود اٹھانا ہوں گے۔ یہ فضائی مسافر بھی قانوناﹰ دس روز تک قرنطینہ میں رہنے کے پابند ہوں گے۔

ویکسین لگوانے کی ویڈیو وائرل، وفاقی وزیر تنقید کی زد میں

استثنیٰ کس کس کو؟

کورونا ٹیسٹ کی اس لازمی شرط سے مستثنیٰ بارہ سال سے کم عمر کے بچے، معذور افراد، چوٹی کی بین الاقوامی شخصیات، اعلیٰ منصب پر فائز افراد اور جلاوطن پاکستانی شہری ہوں گے۔

ایس اوپیز کی تبدیلی

حکومت نے اعلان کیا ہے کہ پانچ مئی سے سعودی عرب سے پاکستان آنے والے تمام مسافروں کے لیے اپنا کورونا ٹیسٹ کروانا لازمی ہو گا، جو 75 گھنٹے سے زیادہ پرانا نہیں ہونا چاہیے۔

سنیما کی بندش کا ایک سال، دس ہزار بے روزگار ملازمین پریشان

تازہ ترین صورت حال

پاکستان میں کورونا وائرس کی ہلاکت خیزی اور کووڈ انیس کے کیسز میں اضافہ حکومت کے لیے بڑا چیلنج بن چکے ہیں۔ نیشنل کمانڈ سینٹر کے اعداد و شمار کے مطابق گزشتہ 24 گھنٹوں کے دوران ملک میں کورونا کیسز میں چار ہزار چار سو چودہ کا اضافہ ہوا اور 113 مریضوں کا انتقال ہو گیا۔

اس تعداد کے ساتھ پاکستان میں کووڈ انیس کا شکار ہو کر انتقال کر جانے والے افراد کی مجموعی تعداد اب 18 ہزار سے تجاوز کر گئی ہے۔

گزشتہ چند دنوں کے دوران پاکستان میں کورونا کے نئے کیسز کی تعداد میں مسلسل غیر معمولی اضافے نے حکومت خاص طور پر صحت کے شعبے سے تعلق رکھنے والے حکام کو بڑی مشکلات سے دو چار کر دیا ہے۔ ملک بھر میں ہسپتالوں کی صورتحال تشویشناک ہے۔ بستروں اور وینٹیلیٹرز کی کمی دور کرنے کی ہر ممکنہ کوششیں کی جا رہی ہیں۔

کورونا ضوابط کا احترام نا کرنے والوں اور ماسک پہننے کی پابندی کی خلاف ورزی کے مرتکب افراد کے چالان بھی کیے جا رہے ہیں۔

ک م / م م (روئٹرز)