Live Updates

افغانستان میں کورونا بڑھنے پر پاک افغان باب دوستی پیدل آمدورفت کیلئے بند کر دیا گیا

جمعہ جون 16:04

افغانستان میں کورونا بڑھنے پر پاک افغان باب دوستی پیدل آمدورفت کیلئے ..
اسلام آباد (اُردو پوائنٹ اخبارتازہ ترین - این این آئی۔ 18 جون2021ء) افغانستان میں کوروناکیسزبڑھنے کے بعد پاکستان نے پاک افغان بارڈرپرنئی سفری پابندیاں عائدکرتے ہوئے چمن میں باب دوستی کو دوطرفہ پیدل آمدورفت کے لیے بند کردیا۔

(جاری ہے)

ڈپٹی کمشنر چمن طارق مینگل کے مطابق این سی او سی کے فیصلے کے تحت باب دوستی کو آج سے دو طرفہ پیدل آمدورفت کے لیے بند کردیا ہے تاہم افغانستان میں موجود پاکستانی کورونا ایس اوپیزکے تحت واپس آسکتے ہیں ،پاکستان میں موجود افغان باشندے بھی واپس افغانستان جاسکتے ہیں۔

ڈپٹی کمشنر کے مطابق باب دوستی سے دوطرفہ پیدل آمدورفت نئے احکامات تک معطل رہیگی جب کہ پاک افغان دوطرفہ ٹریڈبحال رہے گی۔ دوسری جانب باب دوستی کی اچانک بندش سے بڑی تعداد میں پاکستانی اور افغان شہری سرحدکے دونوں جانب پھنس گئے ہیں۔
پاکستان میں کرونا وائرس کی چوتھی لہر سے متعلق تازہ ترین معلومات