شیخ رشید نے آزاد کشمیر میں ووٹ مانگنے کی آڈیو پر ردِعمل دے دیا

آزاد کشمیر الیکشن میں ووٹ مانگنے سے متعلق میری آڈیو درست ہے،بلے کے لیے کشمیر جاکر بھی ووٹ مانگنا پڑا تو تیار ہوں،وفاقی وزیر داخلہ کا بیان

پیر 5 جولائی 2021 23:53

اسلام آباد (اُردو پوائنٹ اخبارتازہ ترین - آن لائن۔ 05 جولائی2021ء) وزیر داخلہ شیخ رشید کا کہنا ہے کہ آزاد کشمیر الیکشن میں ووٹ مانگنے سے متعلق میری آڈیو درست ہے،بلے کے لیے کشمیر جاکر بھی ووٹ مانگنا پڑا تو تیار ہوں۔شیخ رشید نے مسلم لیگ ن کے رہنما طلال چوہدری کی جانب سے ووٹ مانگنے کی جاری کردہ آڈیو پر تبصرہ کرتے ہوئے کہا کہ یہ آڈیو درست ہے۔

(جاری ہے)

انہوں نے کہا کشمیر جا کر بھی بلے کے لیے ووٹ مانگنے کو تیار ہوں۔اس سے قبل پاکستان مسلم لیگ ن کے رہنما طلال چوہدری نے وزیر داخلہ شیخ رشید کی ووٹ مانگتے ا?ڈیو جاری کی تھی مائیکروبلاگنگ ویب سائٹ ٹویٹر پر اپنے پیغام میں مسلم لیگ ن کے رہنما طلال چوہدری نے آڈیو جاری کی۔ اس آڈیو میں شیخ رشید 25 جولائی کو آزاد کشمیر انتخابات میں پی ٹی آئی کے لیے ووٹ مانگ رہے ہیں۔شیخ رشید کا فون سننے والے نے کہا کہ وہ شیر کو ووٹ دیں گے۔