کرونا کی صورتحال انتہائی خطرناک ، کراچی میں اس کا تنا سب 26 فی صد سے بڑھ گیا ہے،سید ناصر حسین شاہ

پی ٹی آئی ،متحدہ اور جماعت اسلامی کرونا کے معاملے پر سیاسی پوائنٹ اسکورنگ نہ کریں،صوبائی وزیر اطلاعات سندھ

بدھ 28 جولائی 2021 18:56

کرونا کی صورتحال انتہائی خطرناک ، کراچی میں اس کا تنا سب 26 فی صد سے بڑھ ..

کراچی (اُردو پوائنٹ اخبارتازہ ترین - این این آئی۔ 28 جولائی2021ء) صوبائی وزیر اطلاعات سندھسید ناصر حسین شاہ نے کراچی میں کرونا کیسزکی بڑھتی ہو ئی تعدادپر گہری تشویش کا اظہا ر کرتے ہو ئے کہا ہے کہ کرونا کی صورتحال انتہائی خطرناک ہے اور کراچی میں اس کا تنا سب 26 فیصد سے بڑھ گیا ہے۔سید ناصر حسین شاہ نے کہا کہ اسپتالوں پر ہر گزرتے دن کے سا تھ دباو میں اضافہ ہو رہا ہے کیونکہ کر ونا کا ڈیلٹا ویرینٹ ا نتہا ئی خطر نا ک ہے اور اس سے بچا کے لئے کرونا ایس او پیز پر سختی سے عمل کیا جائے ،شہری احتیاط کریں اور غیر ضروری باہر نہ جائیں ، خود بھی محفوظ رہیں اور دوسروں کو بھی محفوظ رکھیں۔

صوبائی وزیر اطلاعات نے شہر کی تاجر تنظیمیوں ، سول سوسائٹی اور اسٹیک ہولڈرز سے اپیل کی ہے کہ کرونا ایس او پیز پر عملدرآمد کے لیے اپنا کردار ادا کریں۔

(جاری ہے)

سید ناصر حسین شاہ نے کہا کہ سختیاں کرنا غیر مقبول فیصلہ ہے ، لیکن یہ شہریوں کی زندگیوں کا معاملہ ہے۔ انہو ں نے مزید کہا کہ میں عوام سے اپیل کرتا ہوں کہ اپنی اور اپنے گھر کے تما م افراد کی ویکسینیشن کروائیں،کیو نکہ اسپتالوں میں آنے والے زیادہ تر کیسز کی تعداد ان لو گو ں کی ہے جنہو ں نے ویکسینیشن نہیں کر وائی ہے۔سید ناصر حسین شاہ نے پی ٹی آئی، متحدہ اور جماعت اسلامی سے بھی کہا ہے کہ وہ کرونا کے معاملے پر سیاسی پوائنٹ اسکورنگ نہ کریں۔