Live Updates

طالبان بزور طاقت قابض ہوئے تو افغانستان میں لاقانونیت ہو گی، زلمے خلیل

افغانستان میں دونوں فریقوں نے امن کے موقع کا فوری فائدہ نہیں اٹھایا،امریکی نمائندہ خصوصی

بدھ 4 اگست 2021 13:12

طالبان بزور طاقت قابض ہوئے تو افغانستان میں لاقانونیت ہو گی، زلمے خلیل
واشنگٹن(اُردو پوائنٹ اخبارتازہ ترین - این این آئی۔ 04 اگست2021ء) امریکی نمائندہ خصوصی برائے افغانستان زلمے خلیل زادنے کہا ہے کہ طالبان نے طاقت سے قبضہ کیا تو افغانستان میں لاقانونیت ہو جائے گی۔

(جاری ہے)

میڈیارپورٹس کے مطابق ایک بیان میں امریکی نمائندہ خصوصی برائے افغانستان زلمے خلیل زاد نے کہا کہ طالبان نے قبضہ کیا تو عالمی برادری انہیں مسترد اور مزاحمت کرے گی، انہیں تسلیم نہیں کرے گی، انہیں عالمی معاونت حاصل نہیں ہو سکے گی۔

انہوں نے مزید کہا کہ طالبان خود بھی کہتے ہیں کہ وہ افغانستان میں لاقانونیت نہیں ہونے دینا چاہتے۔امریکی مندوب کا مزید کہنا تھا کہ افغانستان میں دونوں فریقوں نے امن کے موقع کا فوری فائدہ نہیں اٹھایا۔زلمے خلیل زاد کا یہ بھی کہنا تھا کہ افغانستان میں دونوں فریقوں کے درمیان گہرے اختلافات ہیں، دونوں فریق ذاتی مفادات پر ملکی مفاد کو ترجیح دیں۔
Live کابل میں طالبان کا کنٹرول سے متعلق تازہ ترین معلومات

متعلقہ عنوان :