Live Updates

ترک صدر کا متحدہ عرب امارات کے صدر شیخ محمد بن زاید آل نہیان سے درمیان ٹیلی فون رابطہ

خطے میں امن و استحکام کے لیے سفارتی کوششوں کو مزید مؤثر بنانے کی ضرورت ہے، ترکیہ خطے کے تمام اہم ممالک کے ساتھ مسلسل رابطے میں ہے تاکہ امن و استحکام کو برقرار رکھا جا سکے، رجب طیب اردگان

محمد علی ہفتہ 9 مئی 2026 21:54

ابوظہبی (اُردو پوائنٹ اخبارتازہ ترین۔ 09 مئی2026ء) ترک صدر کا متحدہ عرب امارات کے صدر شیخ محمد بن زاید آل نہیان سے درمیان ٹیلی فون رابطہ۔ غیر ملکی میڈیا کے مطابق ہفتہ کے روز ترکیہ کےصدر رجب طیب اردگان اور متحدہ عرب امارات کے صدر شیخ محمد بن زاید آل نہیان کے درمیان اہم رابطہ ہوا۔

President @RTErdogan spoke by phone with UAE President Sheikh Mohammed bin Zayed Al Nahyan.

The call addressed the Türkiye-UAE bilateral relations, as well as regional and global matters.

President Erdoğan highlighted the importance Türkiye attaches to enhancing its cooperation…
— Presidency of the Republic of Türkiye (@trpresidency) May 9, 2026

ٹیلی فونک رابطے کے دوران دونوں رہنماؤں کے درمیان دوطرفہ تعلقات، علاقائی حالات اور عالمی امور پر تفصیلی تبادلہ خیال ہوا۔

گفتگو میں ایران اور امریکہ کے درمیان جاری کشیدگی کے نتیجے میں خطے میں پیدا ہونے والی صورتحال پر بھی غور کیا گیا۔ صدر اردگان نے موجودہ صورتحال کو باعثِ تشویش قرار دیتے ہوئے کہا کہ خطے میں امن و استحکام کے لیے سفارتی کوششوں کو مزید مؤثر بنانے کی ضرورت ہے۔

(جاری ہے)

انہوں نے متحدہ عرب امارات کے ساتھ تجارت، توانائی اور سلامتی کے شعبوں میں تعاون کو مزید وسعت دینے کی اہمیت پر بھی زور دیا۔

ان کا کہنا تھا کہ ترکیہ خطے کے تمام اہم ممالک کے ساتھ مسلسل رابطے میں ہے تاکہ امن و استحکام کو برقرار رکھا جا سکے۔ دونوں رہنماؤں نے اس بات پر اتفاق کیا کہ خطے میں استحکام کے لیے بات چیت اور تعاون کے عمل کو مزید آگے بڑھایا جائے۔