واشنگٹن،طیارہ رن وے پرموجود شخص سے ٹکرا گیا

احتیاطی تدابیر کے طور پر تمام مسافروں کو بحفاظت طیارے سے نکال لیا گیا

ہفتہ 9 مئی 2026 20:54

واشنگٹن،طیارہ رن وے پرموجود شخص سے ٹکرا گیا

واشنگٹن (اُردو پوائنٹ اخبارتازہ ترین - این این آئی۔ 09 مئی2026ء) امریکا کے ڈینور ایئر پورٹ پر طیارہ روانگی کے دوران رن وے پر موجود شخص سے ٹکرا گیا۔غیر ملکی میڈیا کے مطابق حادثے کے بعد ایئر لائن کو طیارے کے کیبن میں دھواں بھرنے کی اطلاع ملی، جس کے بعد جہاز کے پائلٹس نے فوری طور پر پرواز روک دی۔

(جاری ہے)

احتیاطی تدابیر کے طور پر تمام مسافروں کو بحفاظت طیارے سے نکال لیا گیا۔ یہ حادثہ امریکا کی مقامی فرنٹیئر ایئر لائن کی فلائٹ 4345 کے ساتھ پیش آیا۔واقعے کے بعد جہاز کے ایک انجن میں آگ لگ گئی جس پر ڈینور فائر ڈیپارٹمنٹ نے فوری طور پر قابو پا لیا۔امریکی ایئر لائن کے ذرائع کا کہنا تھا کہ ڈینور ایئر پورٹ پر پیش آئے واقعے کی تحقیقات جاری ہیں۔