پاکستانی کرکٹرز کا جیولین تھروور ارشد ندیم کو خراج تحسین

’میاں چنوں کا ارشد ندیم ہمارا ہیرو، انشاء اللہ آپ پاکستان کا نام روشن کریںگے‘ :حسن علی

ذیشان مہتاب بدھ 4 اگست 2021 14:35

پاکستانی کرکٹرز کا جیولین تھروور ارشد ندیم کو خراج تحسین

لاہور (اردو پوائنٹ تازہ ترین اخبار ۔ 4 اگست 2021ء ) پاکستانی کرکٹرز نے ٹوکیو اولمپکس میں پاکستانیوں کو میڈل جیتنے کی امید دلانے والے جیولین تھروور ارشد ندیم کیلئے شاباشی کے پیغامات جاری کیے ہیں ۔ ارشد ندیم ہفتہ کو ٹوکیو اولمپکس 2020ء میں مردوں کے جیولین تھرو مقابلے کے فائنل کے لیے مقابلہ کریں گے۔ فاسٹ بولرز وہاب ریاض اور حسن علی نے ارشد ندیم کی حمایت میں پیغامات جاری کیے۔

وہاب ریاض نے ٹویٹ کیا ’ہمارے جیولین ہیرو ارشد ندیم کی شاندار کارکردگی‘۔

A wonderful performance by our javelin hero @ArshadJavelin. Qualifying for the final of #Tokyo2020 and making us all proud. All the best Arshad ✌🏼 pic.twitter.com/dFD6CEfCgO
— Wahab Riaz (@WahabViki) August 4, 2021

حسن علی نے ٹویٹ کیا ’’میاں چنوں کا ارشد ندیم ہمارا ہیرو، آخری کامیابی پر مبارک ہو ، انشاء اللہ آپ پاکستان کا نام روشن کریں گے،! بہت سی دعائیں‘‘۔

Our hero from Mian Channu @ArshadJavelin 💪🏽 Mubarak on reaching the final achievement, insha'Allah you'll make 🇵🇰 proud!

Lots of Duas 🤲🏼 pic.twitter.com/4lEnuFUu1I
— Hassan Ali 🇵🇰 (@RealHa55an) August 4, 2021

وکٹ کیپر کامران اکمل نے ارشد ندیم کی شاندار تھرو کی تعریف کی اور فائنل کے لیے نیک خواہشات کا اظہار کیا۔

(جاری ہے)

Congratulations to @ArshadJavelin who has now qualified for the men's final #JavelinThrow 85.16m throw in the qualifying stage. With this amazing throw and first place in group B Wishing him All the Luck for the medal round 👍#Olympics #Pakistan #TokyoOlympics pic.twitter.com/EnZkrniAaK
— Kamran Akmal (@KamiAkmal23) August 4, 2021

یاد رہے کہ ارشد ندیم اولمپکس میں کسی بھی ٹریک اینڈ فیلڈ ایونٹ کے فائنل کے لیے کوالیفائی کرنے والے پہلے پاکستانی کھلاڑی ہیں۔ اپنی پہلی کوشش میں 24 سالہ پاکستانی ایتھلیٹ 78.5 میٹر کا ہدف حاصل کر سکا لیکن دوسری کوشش میں ارشد نے 85.16 میٹر کے تھرو سے تاریخ رقم کی جس نے اسے گروپ بی میں پہلے نمبر پر رکھا۔ بھارت کے نیرج چوپڑا (86.65 میٹر) اور جرمنی کے جوہانس ویٹر (85.64 میٹر) کے بعد یہ مقابلے میں مجموعی طور پر تیسرا بہترین تھرو تھا۔ اس سال کے شروع میں ارشد نے ایران میں امام رضا چیمپئن شپ کے دوران اپنے ذاتی بہترین اور قومی ریکارڈ کے لیے 86.39 میٹر کی تھرو کی تھی ۔ اس سے قبل 2019ء میں انہوں نے نیپال میں ساؤتھ ایشین گیمز میں 86.29 میٹر تھرو کی تھی ۔