جامعہ سندھ کا سرکاری و نجی لا کالجز میں ہونے والے 5 سالہ ایل ایل بی پروگرام کے سیمسٹر امتحانات 30 ستمبر سے منعقد کرانے کا اعلان

منگل 14 ستمبر 2021 19:47

حیدرآباد۔14ستمبر (اردوپوائنٹ اخبارتازہ ترین۔ 14 ستمبر2021ء) :جامعہ سندھ جامشورو کے ناظم امتحانات برائے سمسٹر سسٹم محمد معشوق صدیقی کی جانب سے مختلف سرکاری و نجی لا کالجز میں ہونے والے 5 سالہ ایل ایل بی پروگرام کے سیمسٹر امتحانات 30 ستمبر سے منعقد کرانے کا اعلان کیا گیا ہے، جس کا ٹائم ٹیبل بھی جاری کیا گیا ہے۔

(جاری ہے)

ناظم امتحانات برائے سیمسٹر محمد معشوق صدیقی کے مطابق انڈس کالج آف لا حیدرآباد، سندھ لا کالج حیدرآباد، جناح لا کالج حیدرآباد، سندھ مہران لا کالج جامشورو، ایوریسٹ لا کالج حیدرآباد، میرپورخاص لا کالج میرپورخاص، پی آئی بی لا کالج دادو،قاضی میاں احمد قریشی لا کالج مورو اور فیض محمد سہتو لا کالج کنڈیارو کاامتحانی سینٹر ایس بی بی لا کالج نوشہروفیروز ہوگا، جبکہ شان آسی لا کالج ٹنڈو آدم و علی لا کالج سانگھڑ کا امتحانی مرکز شان آسی لا کالج ہوگا اسی طرح مخدوم محمد زمان طالب المولیٰ لا کالج ہالا اور قائداعظم لا کالج نواب شاہ کے امتحانی مراکز اپنے ملحقہ کالجز میں ہی ہونگے جس کا نوٹیفکیشن بھی جاری کردیاگیا ہے۔