شادی کس سے ہوئی، حریم شاہ کا نام بتا کر بڑا انکشاف

میری شادی بلال شاہ سے ہوئی، جن کا تعلق پاکستان پیپلز پارٹی سے ہے، وہ آصف زرداری اور بلاول بھٹو کے خاصے قریبی ہیں۔ٹک ٹاکر حریم شاہ کا دعویٰ

مقدس فاروق اعوان جمعرات 23 ستمبر 2021 15:36

شادی کس سے ہوئی، حریم شاہ کا نام بتا کر بڑا انکشاف

لاہور (اُردو پوائنٹ تازہ ترین اخبار۔ 23 ستمبر 2021ء) : معروف ٹک ٹاکر اور مختلف تنازعات کا شکار رہنے والی حریم شاہ نے جہاں پی پی رہنما کے رکن سندھ اسمبلی سے شادی ہونے کے دعوے سے مکر گئیں وہیں انہوں نے نجی ٹی وی چینل سے گفتگو میں بتایا کہ ان کے شوہر کا نام بلال شاہ ہے اور ان کا تعلق پاکستان پیپلز پارٹی سے ہے۔حریم شاہ نے کہا کہ ان کے شوہر ان سے شادی سے قبل غیر شادی شدہ تھے۔

حریم شاہ کا دعویٰ ہے کہ بلال شاہ کا تعلق سیاسی جماعت پیپلز پارٹی سے ہے اور وہ سابق صدر آصف علی زرداری اور بلاول بھٹو زرداری کے خاصے قریب ہیں۔واضح رہے کہ ڈھائی ماہ قبل پاکستان پیپلز پارٹی کے کسی رکن سندھ اسمبلی سے شادی کرنے کا دعوی کرنے والی ٹک ٹاکر حریم شاہ نے یہ بھی کہا کہ ان کا فوری طور پر شادی کرنے کا کوئی ارادہ نہیں۔

(جاری ہے)

حریم شاہ نے جون کے آخر میں پیپلز پارٹی کے رہنما سے شادی کرنے کا دعوی کیا تھا اور بتایا تھا کہ وہ اگست سے قبل ترکی سے ہنی مون کے بعد واپس آکر کراچی میں ولیمے کی تقریب منعقد کریں گی تاہم اب انہوں نے ایک حالیہ انٹرویو میں کہا کہ ان کا فوری طور پر شادی کرنے کا ارادہ نہیں ہے۔

ایک انٹر ویو میں بات کرتے ہوئے حریم شاہ نے شادی کے سوال پر بتایا کہ ابھی فوری طور پر ان کا شادی کا ارادہ نہیں ۔حریم شاہ کا کہنا تھا کہ والدین انہیں شادی کے لیے کہتے رہتے ہیں جبکہ کئی افراد اور قریبی رشتے داروں نے ان کا رشتہ بھی مانگا تھا مگر انہوں نے منع کردیا۔ حریم شاہ نے سماجی رابطے کی ویب سائٹ پر ایک شخص کے ساتھ تصویر شئیر کی جس کے بعد ایک نئی بحث کا آغاز ہو گیا ہے۔

حریم شاہ نے اپنے تصدیق شدہ انسٹا گرام اکاؤنٹ پر اپنی نئی تصویر شیئر کی جس میں ان کے ہمراہ ایک شخص بھی موجود ہے۔ تصویر میں حریم شاہ نے اس شخص کے کندھے پر سر رکھا ہوا ہے اور وہ بہت خوش نظر آرہی ہیں۔ انسٹا گرام پر حریم شاہ نےتصویر شیئر کرتے ہوئے کیپشن میں لکھا کہ ’’میری زندگی‘‘۔ تاہم ٹک ٹاکر حریم شاہ نے اس شخص کے بارے میں کوئی معلومات شئیر نہیں کیں اور نہ ہی یہ بتایا کہ ان کا اس شخص سے کیا تعلق ہے۔ اس پوسٹ کے بعد سوشل میڈیا صارفین کی جانب سے ایک نئی بحث کا آغاز کر دیا گیا کہ آخر یہ شخص کون ہے جسے حریم شاہ نے اپنی زندگی قرار دے دیا۔