پنجاب میں ڈینگی کیسز میں اضافہ، نجی ہسپتالوں میں مریضوں کیلئے5 ہزار بیڈز مختص

پنجاب میں ڈینگی کیسز میں اضافہ ہورہا ہے، ڈینگی کے پھیلاؤ کو روکنا تمام محکموں کی ذمہ داری ہے، ایکسپوسنٹر میں ڈینگی فیلڈ ہسپتال کیلئے اخراجات کی منظٰوری دے دی گئی ہے۔ وزیرصحت پنجاب ڈاکٹر یاسمین راشد

ثنااللہ ناگرہ بدھ 13 اکتوبر 2021 19:19

پنجاب میں ڈینگی کیسز میں اضافہ، نجی ہسپتالوں میں مریضوں کیلئے5 ہزار ..

لاہور(اردوپوائنٹ اخبارتازہ ترین۔ 13 اکتوبر2021ء) وزیراعلی پنجاب سردارعثمان بزدارکی ہدایت پر صوبائی وزیر صحت ڈاکٹر یاسمین راشد کی زیرصدارت ایوان وزیراعلی میں کابینہ کمیٹی اجلاس برائے کورونا اور ڈینگی کا اجلاس منعقد ہوا۔ صوبائی وزیر صنعت و تجارت میاں اسلم اقبال نے اجلاس میں خصوصی شرکت کی۔ چیف سیکرٹری پنجاب، آئی جی پنجاب، کمشنر لاہور ڈویژن، صحت کے سیکرٹریز، سیکرٹری بلدیات، سیکرٹری پی اینڈ ڈی، سیکرٹری ہاؤسنگ، ڈی جی ہیلتھ سروسز، ڈی سی لاہور و دیگرافسران بھی اجلاس میں شریک ہوئے۔

محکمہ صحت کے سیکرٹریزنے اجلاس کے دوران وزیرصحت کو بریفنگ دی۔ کابینہ کمیٹی نے اجلاس کے دوران لاہورمیں 89 دن کیلئے ویکسینیٹرز بھرتی کرنے کی منظٰوری دے دی۔ کابینہ کمیٹی نے ڈینگی فیلڈ ہسپتال ایکسپوسنٹرمیں تمام اخراجات کی منظٰوری دے دی۔

(جاری ہے)

کابینہ کمیٹی نے کورونا ویکسی نیشن کی جعلی انٹریز کے خلاف سخت ایکشن کی ہدایت بھی کردی ہے۔وزیر صحت ڈاکٹر یاسمین راشد نے صوبہ میں ویکسی نیشن کی تعداد بڑھانے پر محکمہ پرائمری اینڈ سیکنڈری ہیلتھ کئیرکی کاوش کو سراہا۔

چیف سیکرٹری پنجاب نے صوبہ میں کورونااور ڈینگی پر قابو پانے کیلئے تمام کمشنرزاورڈ ی سی حضرات کو خصوصی ہدایت کی۔ اس موقع پر اظہار خیال کرتے ہوئے صوبائی وزیر صحت ڈاکٹر یاسمین راشد نے کہا کہ پنجاب میں کورونا ویکسی نیشن کی تعداد میں روزانہ اضافہ دیکھنے میں آرہا ہے۔ ڈینگی کے پھیلاؤ کو روکنا تمام متعلقہ محکمہ جات کی ذمہ داری ہے۔ پنجاب میں ڈینگی کیسز میں اضافہ ہورہا ہے۔

ڈاکٹر یاسمین راشد نے کہا کہ پنجاب کے نجی ہسپتالوں میں ڈینگی کے مریضوں کیلئے 5000 بستر مختص کئے گئے ہیں۔پنجاب میں کورونااور ڈینگی کا مقابلہ مربوط حکمت عملی سے کررہے ہیں۔ ڈینگی کے سب سے زیادہ کیسزلاہورمیں سامنے آرہے ہیں۔ انہوں نے کہا کہ پنجاب کے تمام تعلیمی اداروں میں کورونااور ڈینگی بارے آگاہی دینے کیلئے خصوصی لیکچرز کا اہتمام کیا جائے۔ پنجاب کے تمام تعلیمی اداروں میں انسداد ڈینگی سپرے کیا جارہا ہے۔ ڈینگی پر قابوپانے کیلئے سرگرمیوں کا ضلع اور تحصیل کی سطح پرروزانہ جائزہ لیاجائے۔ تمام کمشنرزاور ڈپٹی کمشنرزکو انسدادڈینگی سرگرمیوں کی خود مانیٹرنگ کرنی ہوگی۔