صوبہ سندھ میں ڈینگی کیسز میں اضافہ، گزشتہ ماہ صوبے بھر سے 500 سے زائد ڈینگی کیسز رپورٹ

جمعہ 15 اکتوبر 2021 15:47

کراچی(اُردو پوائنٹ اخبارتازہ ترین - این این آئی۔ 15 اکتوبر2021ء) صوبہ سندھ میں ڈینگی کیسز میں اضافہ جاری ہے، گزشتہ ماہ صوبے بھر سے 500 سے زائد ڈینگی کیسز رپورٹ کیے گئے۔

(جاری ہے)

تفصیلات کے مطابق سندھ میں رواں ماہ ڈینگی کیسز کی تعداد 552 ہوگئی، سندھ بھر میں 24 گھنٹے کے دوران ڈینگی کے 34 نئے کیسز سامنے آئے۔محکمہ صحت کے مطابق رواں ماہ کراچی میں 303 کیسز رپورٹ ہوچکے ہیں، ضلع مٹیاری میں 153، حیدر آباد میں ڈینگی کے 39 اور تھر پارکر میں ڈینگی کے 35 کیسز رپورٹ ہوچکے ہیں۔محکمہ صحت کے مطابق میرپور خاص میں ڈینگی وائرس کیسز کی تعداد 11 ہوچکی ہے۔