ایف بی آر نے ٹیکس گوشوارے جمع کرانے کی مدت ختم ہونے کے بعد 26 لاکھ انکم ٹیکس گوشوارے ،48 ارب 60 کروڑ روپے ٹیکس وصول کیے

ہفتہ 16 اکتوبر 2021 13:49

ایف بی آر نے ٹیکس گوشوارے جمع کرانے کی مدت ختم ہونے کے بعد 26 لاکھ انکم ..
اسلام آباد (اُردو پوائنٹ اخبارتازہ ترین - این این آئی۔ 16 اکتوبر2021ء) ایف بی آر نے ٹیکس گوشوارے جمع کرانے کی مدت ختم ہونے کے بعد 26 لاکھ انکم ٹیکس گوشوارے اور ان کے ساتھ 48 ارب 60 کروڑ روپے ٹیکس وصول کیے ہیں ۔فیڈرل بورڈ آف ریونیو کی طرف سے جاری بیان میں کہا گیا ہے کہ 15 اکتوبر 2021 تک ریکارڈ انکم ٹیکس گوشوارے وصول کر لئے ہیں۔

(جاری ہے)

15 ایام کی توسیع اختتام پذیر ہونے کے بعد ایف بی آر نے 26 لاکھ انکم ٹیکس گوشوارے وصول کر لئے اور گوشواروں کے ساتھ ادا شدہ ٹیکس 48.6 ارب روپے اکھٹا ہوا جبکہ پچھلے ٹیکس سال آخری تاریخ 8 دسمبر 2020 تک 18 لاکھ ٹیکس گوشوارے وصول ہوئے تھے اور ان کے ساتھ 29.6 ارب روپے کا ٹیکس حاصل ہوا تھا۔

اس طرح ٹیکس گوشوارے داخل کرنے میں 45 فیصد اضافہ اور گوشواروں کے ساتھ ادا شدہ ٹیکس میں 64 فیصد اضافہ حاصل ہوا ہے۔ ایف بی آر نے پچھلے سال 15 اکتوبر 2020 تک صرف 5 لاکھ گوشوارے وصول کئے اور ان کے ساتھ ادا شدہ ٹیکس 9.8 ارب روپے رہا۔ اس طرح اس سال پچھلے سال کے مقابلے میں وصول کردہ گوشواروں اور ٹیکس میں پانچ گنا اضافہ حاصل ہوا ہے۔ ایف بی آر پچھلے پورے ٹیکس سال 30 جون 2021 میں وصول کردہ 30 لاکھ گوشواروں اور ادا شدہ ٹیکس 54.7 ارب روپے کے بہت قریب پہنچ چکا ہے۔

متعلقہ عنوان :