پاکستان بمقابلہ بھارت، محمد عامر نے کس کو فیورٹ قرار دیدیا

ہفتہ 23 اکتوبر 2021 21:16

دبئی (اُردو پوائنٹ اخبارتازہ ترین - آن لائن۔ 23 اکتوبر2021ء) قومی فاسٹ بالر محمد عامر کا کہنا ہے کہ ٹی ٹوئنٹی میں جب تک میچ نہیں ہوتا آپ کوئی پیشگوئی نہیں کر سکتے، لیکن پاکستان اور بھارت کا مقابلہ60/40 ہوگا۔

(جاری ہے)

انہوں نے اس کی وجہ بتاتے ہوئے کہا کہ بھارت کو 60 فیصد دینے کی وجہ ہے کہ انہوں نے حال ہی میں دبئی میں آئی پی ایل کھیلا ہے اور کنڈیشنز کو اس وقت ان سے زیادہ کوئی نہیں جانتا۔

محمد عامر کا کہنا تھا کہ پاک بھارت میچ پریشر والا ہے، جو پریشر میں صحیح طریقے سے کھیلے گا وہ میچ جیتے گا۔انہوں نے یہ بھی کہا کہ بابر اس وقت بہترین فارم میں ہیں، بیٹنگ کے معاملے میں اس وقت پاکستان بھارت سے بہتر جا رہا ہے۔خیال رہے کہ ٹی ٹوئنٹی کرکٹ ورلڈکپ میں پاکستان اپنا پہلا میچ کل بھارت کیخلاف کھیلے گا۔