آپ نے گھبرانا نہیں ہے،شعیب اختر کا بابراعظم کو مشورہ

دنیائے کرکٹ کا سب سے بڑا مقابلہ آج پاکستان اور بھارت کے درمیان دبئی کے میدان میں ہوگا

ذیشان مہتاب اتوار 24 اکتوبر 2021 13:39

آپ نے گھبرانا نہیں ہے،شعیب اختر کا بابراعظم کو مشورہ

لاہور (اردو پوائنٹ تازہ ترین اخبار ۔ 24 اکتوبر 2021ء ) دنیائے کرکٹ کا سب سے بڑا مقابلہ آج پاکستان اور بھارت کے درمیان دبئی کے میدان میں ہوگا۔ اس ٹاکرے کے لیے پاکستان کے سابق فاسٹ بائولر شعیب اختر نے پاکستانی کپتان کو جیتنے کا طریقہ بتا دیا۔ شعیب اختر نے ٹوئٹ میں بابراعظم کو ٹیگ کیا اور کہا کہ ’سب سے ضروری بات یہ ہے کہ بس آپ نے گھبرانا نہیں ہے‘۔

Important baat @babarazam258 :
Sab se pehle, Aap nay ghabrana nahi hai :)
— Shoaib Akhtar (@shoaib100mph) October 24, 2021

پاکستان کرکٹ ٹیم کے کپتان بابراعظم بھی پراعظم دکھائی دے رہے ہیں۔ ان کا کہنا تھا کہ کھلاڑیوں کو مشورہ دیا ہے کہ ہمیں ورلڈ کپ جیتنا ہے۔اور کرکٹ انجوائے کرنا ہے۔ ٹی ٹونٹی ورلڈ کپ2021ء میں دونوں ٹیمیں آج آمنے سامنے ہوں گی۔ بابراعظم پاکستان کے کپتان ہوں گے جب کہ ویرات کوہلی بھارتی ٹیم کی کمان سنبھالیں گے۔

(جاری ہے)

میچ پاکستانی وقت کے مطابق شام 7 بجے شروع ہوگا ۔

قومی ٹیم میں بھارت کے خلاف جن کھلاڑیوں کو شامل کیا گیا ہے ان میں محمد رضوان، فخر زمان، بابر اعظم، محمد حفیظ، حیدرعلی، شعیب ملک، محمد آصف، شاداب خان، عماد وسیم، حسن علی، شاہین شاہ آفریدی اور حارث رؤف شامل ہیں۔ حتمی پلینگ الیون کا اعلان آج شام میچ سے قبل کیا جائے گا۔