سرگودھا، ہوائی فائرنگ کرکے سوشل میڈیا پراسلحہ کی نمائش کرنے والا ٹک ٹاکر گرفتار

منگل 26 اکتوبر 2021 15:21

سرگودھا(اُردو پوائنٹ اخبارتازہ ترین - اے پی پی۔ 26 اکتوبر2021ء) سرگودہا پولیس نےہوائی فائرنگ اور اسلحہ کی نمائش کرنے والوں کے خلاف کارروائی کرتے ہوئے ٹک ٹاکر خرم کو گرفتارکرلیا گیا ہے ۔

(جاری ہے)

ایس ایچ او تھانہ صدر عبدالصمد نے ٹیم کے ہمراہ کارروائی کرتے ہوئے ہوائی فائرنگ کرکے سوشل میڈیا پر اسلحہ کی نمائش کرنے والے ٹک ٹاکر خرم کو گرفتارکرلیا ہے ۔ گرفتارملزم کے قبضہ سے223 بور رائفل برآمد کر لی گئی ہے ۔اسی طرح دیگر کارروائی میں ملزمان بلال سے12 بور بندوق اور عمر شہزاد سے 30 بور پستول برآمد کرکے گرفتارملزمان کے خلاف ہوائی فائرنگ، نمائش اسلحہ اور ناجائزاسلحہ رکھنے کی دفعات کے تحت الگ الگ مقدمات درج کرلیے ہیں۔ پولیس نے تفتیش شروع کر دی ہے۔