پی پی ایل کے سالانہ اجلاسِ عام میں 20 فیصد نقد منافع منقسمہ کی منظوری
پی پی ایل نے 52.4 ارب روپے کا منافع بعد از ٹیکس درج کرایا جو کہ کمپنی کی تاریخ کادوسرا سب سے زیادہ منافع ہے، چیئرمین بورڈآف ڈائریکٹرز
منگل 26 اکتوبر 2021 16:00
(جاری ہے)
بورڈ، کمپنی کی حکمت عملی اور آپریشنز کی گورننس اور نگرانی میں مصروف اورمکمل طور پر پُرعزم ہے۔
انہوں نے کمپنی کے عملے کے ساتھ ساتھ تمام شراکت داروں کی استقامت اور مشکل وقتوں میں کمپنی کا ساتھ دینے کے عزم کا شکریہ ادا کیا۔ایم ڈی اور سی ای او پی پی ایل معین رضا خان نے کہا کہ اگرچہ کوویڈ-19 عالمی وبا نے کاروباری اداروں کو بری طرح متاثر کیا ہے لیکن تقریبا دو سال تک اس وبا کے منڈلاتے سائے میں کام کرتے ہوئے کمپنی نے نہ صرف قومی گرڈ کو بلا تعطل توانائی پہنچانے میں کامیاب ہو کر قابل ذکر لچک کا مظاہرہ کیا ہے بلکہ ابوظہبی بولی راؤنڈمیں دریافتی بلاک کے حصول کا تاریخی سنگ میل بھی حاصل کیا ہے۔ انہوں نے مزید کہاکہ" پی پی ایل نے ابوظہبی، متحدہ عرب امارات میں ملک کے پہلے دریافتی بلاک حاصل کرنے کے لئے 'چار بڑی ' قومی ای پی کمپنیوں پر مشتمل کنسورشیم کی قیادت کی۔ ''الحمدللہ، کمپنی نے اپنی تاریخ میں دوسرا سب سے زیادہ بعد از ٹیکس منافع کمایا۔ ساتھ ہی ہم ملک میں گردشی قرضے کے بڑھتے ہوئے مسئلے کے تناظر میں صارفین کے ساتھ اعلیٰ سطحی رابطے کے نتیجے میںصارفین سے وصولیوں کو بہتر بنانے میں بھی کامیاب رہے۔پی پی ایل کا 2020-21 کے دوران ملکی پیداوار میں حصہ یومیہ 852 ایم ایم ایس سی ایف گیس کے مساوی رہا۔ پیداوار میںگزشتہ سال کے مقابلے میں کمی آئی ہے جو کندھ کوٹ سے جینکو IIکی نمایاں طور پرگیس کی کم خریداری کی وجہ سے ہے۔ بہرحال، کمپنی نے مؤثر فیلڈ ڈویلپمنٹ سرگرمیوں کے ذریعے 108 فیصد ذخائر کی بازیابی کا تناسب حاصل کیا۔بیناری X-1، شاہ بندر بلاک اور ہدف X-1 سمیت گمبٹ سا ؤتھ میں جی پی ایف IVکے دوسرے مرحلے سے پیداوار کا آغاز ہو چکا ہے جس سے توانائی کی رسد کے سلسلے میں مجموعی طور پر یومیہ~35 ایم ایم ایس سی ایف گیس شامل ہوئی۔ علاوہ ازیں،پی پی ایل نے سات پیداواری کنوؤں کی کھدائی کی جن میں سے تین آپریٹڈ اور چار پارٹنر آپریٹڈ فیلڈز میں تھے۔ کمپنی مستقبل قریب میں ڈھوک سلطان آئل ہینڈلنگ اورظفیر پروسیسنگ سہولت سے پیداوار کے آغاز کے ذریعے اپنے پیداواری حصے کو بڑھانے کے ساتھ ساتھ موجودہ پرانی فیلڈ ز سے پیداوارکو بہتر بنانے کے لئے کوشاں ہے۔کمپنی کی دریافتی کوششیں روایتی اور سرحدی علاقوں میں دریافت کے لئے کھدائی کے ذریعے ذخائر میں کمی کوپوراکرنے پر مرکوز رہیں۔ چھ دریافتی کنوئیں یعنی تین کمپنی آپریٹڈ اور تین پارٹنر آپریٹڈ علاقوں میں کھودے گئے۔کمپنی نے سرحدی علاقوں میں دریافت کے لئے بلوچستان کے علاوہ سندھ میں بھی کھیپرو ایسٹ X-1، کھپرو ایسٹ بلاک میںکھدائی پر توجہ مرکوز کی ہے۔ اس کے ساتھ ہی پارٹنر آپریٹڈ ٹل بلاک میں ایک دریافت مامی خیل ساؤتھ -1 کی گئی۔پی پی ایل کی تنوع کی حکمت عملی کے بارے میں بات کرتے ہوئے - جس کا مقصد گردشی قرضوں میں اضافے کے پس منظر میں آمدنی میں خطرے کو دور کرنا ہی- معین رضا خان نے بتایا کہ بیرائٹ، لیڈ اور زنک منصوبے میں کافی پیش رفت ہوئی ہے جو مائیننگ کے شعبے میں پی پی ایل کی آپریٹڈ کمپنی ، بولان مائننگ انٹرپرائزز(بی ایم ای) کے ذریعے جلد ہی عمل میں لایا جائے گا۔بی ایم ای، پی پی ایل اور حکومت بلوچستان کے درمیان مشترکہ منصوبہ ہے۔ اس کے علاوہ پی پی ایل نے بلوچستان کے دو بلاکس میں مائننگ کے حقوق کے حصول کے لئے اظہار دلچسپی پیش کی ہے، جسکا مقصدآئندہ طویل مدت میں کمپنی کے منافع کا ایک اہم حصہ بننا ہے۔کوویڈ-19 کی وبا کے پس منظر میں عملے اور ٹھیکیداروں کی صحت اور تحفظ کو ترجیح دی گئی۔ گھر اور دفتر سے متبادل کام کے ساتھ تحفظ کے اعلیٰ پیمانے پر سختی سے عمل درآمد کیا گیا۔ پی پی ایل نے اپنے عملے اور اُن کی زیر کفالت افراد اور ٹھیکیداروں کے عملے سمیت ملک بھر میں مختلف افراد کے لئے اپنی موبائل ویکسینیشن ٹیموں اور غیر سرکاری تنظیموں کے توسط سے ویکسینیشن مہم کا اہتمام کیا ہے جس سے تقریباً125000سے زائد افرادتک رسائی ہوگی۔معین رضا خان نے بتایا کہ پی پی ایل نے 2020-21 کے دوران کاروباری اور شہری علاقوں میں مستحق آبادیوں کے لئے ضرورت پر مبنی، طویل مدتی ترقیاتی منصوبوں کو چلانے کے لئی2 ارب سے زائد روپے کا عطیہ دیا ہے جوکہ پی پی ایل کے لئے اب تک سب سے بڑا سالانہ سماجی بھلائی کا عطیہ ہے۔ اس حوالے سے ، پی پی ایل لگاتار15 سالوں سے سب سے زیادہ عطیات دینے والی کمپنی کی حیثیت سے اعلی کاروباری فیاضی کا ایوارڈحاصل کر رہی ہے۔مستقبل میںپی پی ایل سرحدی/ آف شور علاقوں اور بین الاقوامی دریافتی بلاکس کے ذریعے غیر دریافت شدہ ذخائر سے استفادہ حاصل کرنے کے ساتھ ساتھ دریافتی رقبے کو وسعت دینے کے لئے ملک کے اندر اور باہربولی کے مرحلوں میں حصہ لینے کے ساتھ ساتھ فارم ان/آؤٹ کے مواقع کوحاصل کرنے کے لئے کوشاں ہے۔ پی پی ایل اپنی تنوع کی حکمت عملی کے تحت توانائی کے شعبے خصوصا مڈِ اسٹریم تیل اور گیس شعبے میںکاروباری امکانات کی تلاش بھی جاری رکھے گی جبکہ بلوچستان میں صنعتی پیمانے پر مائننگ کے کاموں کو وسعت دے گی،جو دنیاکے معدنیات سے بھرپور، میٹالو جینک خطّے میں سے ایک ہے۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.