شیخوپورہ: ٹرین کی اسکول وین کو ٹکر سے تین طالب علم جاں بحق 9طالبات زخمی

منگل 16 نومبر 2021 22:42

شیخوپورہ (اُردو پوائنٹ اخبارتازہ ترین - آن لائن۔ 16 نومبر2021ء) شیخوپورہ کے علاقے سریانوالہ جیتہ باڑیاں روڈ پر ٹرین کی اسکول وین کو ٹکر سے 3 طالب علم جاں بحق ہوگئے۔ جیتہ باڑیاں روڈ پر بغیر پھاٹک کے ریلوے کراسنک سے اسکول وین گزر رہی تھی جو ریلوے ٹریک پر پھنس گئی، اس دوران دوسری طرف سے آنے والی راوی ایکسپریس اسکول وین سے ٹکرا گئی جس کے نتیجے میں دو طالب علم موقع پر جاں بحق ہوگئے جب کہ دیگر زخمی ہوگئے۔

(جاری ہے)

واقعے کی اطلاع ملنے پر ریسکیو اہلکاروں نے جائے حادثہ پر پہنچ کر امدادی کارروائیاں شروع کیں اور 9 طلبہ کو زخمی حالت میں اسپتال منتقل کیا جہاں ایک زخمی دم توڑ گیا۔ریلوے حکام نے بتایا کہ حادثہ واربرٹن اور شیخوپورہ اسٹیشن کے درمیان پیش آیا، حادثے والی جگہ پرکوئی پھاٹک نہیں تھا اور ضلعی انتظامیہ نیعارضی کراسنگ بنا رکھی تھی جب کہ ضلعی انتظامیہ کا اہلکار ریلوے کراسنگ پر تعینات نہیں تھا۔ریلوے حکام کا کہنا تھاکہ اس روٹ پر 2 سال بعد ٹرین سروس بحال ہوئی ہے۔حادثے کے بعد اسکول وین کا ڈرائیور موقع سے فرار ہو گیا جب کہ اہل علاقہ نے احتجاجی مظاہرہ کرتے ہوئے ٹرین کو روک دیا۔