Live Updates

سابق چیف جسٹس ثاقب نثار نے مریم نواز کے ٹرائل سے متعلق متنازع آڈیو کلپ کی تردیدکردی

آڈیو کلپ جعلی ہے اور آڈیو کال میں موجود شخص سے کبھی بات نہیں کی. جسٹس(ر)سابق نثار کا بیان

میاں محمد ندیم پیر 22 نومبر 2021 15:04

سابق چیف جسٹس ثاقب نثار نے مریم نواز کے ٹرائل سے متعلق متنازع آڈیو کلپ ..

اسلام آباد(اردوپوائنٹ اخبارتازہ ترین-ا نٹرنیشنل پریس ایجنسی۔22 نومبر ۔2021 ) پاکستان کے سابق چیف جسٹس میاں ثاقب نثار نے مسلم لیگ (ن) کے قائد نواز شریف اور نائب صدر مریم نواز کے ٹرائل سے متعلق متنازع آڈیو کلپ کی تردید کردی ہے ان کا کہنا ہے کہ آڈیو کلپ جعلی ہے اور انہوںنے آڈیو کال میں موجود شخص سے کبھی بات نہیں کی.

(جاری ہے)

واضح رہے کہ چند ہفتوں بعد ہی یہ سابق چیف جسٹس کی یہ دوسری تردید ہے آڈیو کلپ کی آزادانہ طور پر تصدیق نہیں ہوسکی ہے نجی ٹی وی کے مطابق آڈیو کلپ میں مبینہ طور پر سابق چیف جسٹس کو سنا جا سکتاہے کہ مجھے اس کے بارے میں تھوڑا دو ٹوک ہونے دو، بدقسمتی سے یہاں یہ ادارے ہیں جو حکم دیتے ہیں اس کیس میں ہمیں میاں نواز شریف کو سزا دینی پڑے گی، مجھے کہا گیا ہے کہ ہمیں عمران خان کو اقتدار میں لانا ہے انہوں نے مبینہ طور پر مزید کہا کہ سزا تو دینی ہی پڑے گی‘لائن کے دوسرے سرے پر موجود آدمی کہتا ہے کہ نواز کی بیٹی مریم نواز سزا کی مستحق نہیں ہے تو مبینہ طور پر سابق چیف جسٹس ثاقب نثار اس سے کہتے ہیں کہ آپ بالکل درست کہہ رہے ہیں.

مبینہ آڈیو میں یہ بھی سنا جاسکتا ہے کہ میں نے اپنے دوستوں سے بات کی کہ اس بارے میں کچھ کیا جائے لیکن وہ نہیں مانے، عدلیہ کی آزادی نہیں رہے گی اس لیے رہنے دیں آڈیوکلپ سے متعلق مذکورہ انکشاف فیکٹ فوکس نامی ویب سائٹ نے کیاتھا اس آڈیو کلپ کی جانچ امریکا کی ایک معروف فرم نے کی جو ملٹی میڈیا فرانزک میں مہارت رکھتی ہے. فیکٹ فوکس کے مطابق گرریٹ ڈیسکوری کے پاس ماہرین کی ایک ٹیم ہے اور ان کے پاس ثبوتوں کا تجزیہ کرنے اور انہیں بطور ثبوت امریکی عدالتوں کے سامنے گواہی دینے کا طویل تجربہ ہے فیکٹ فوکس کے مطابق فرم کی تجزیاتی رپورٹ آڈیو کلپ کی تصدیق کرتی ہے اور بتاتی ہے کہ اس آڈیو میں کسی بھی قسم کی ترمیم نہیں کی گئی ہے.

اس حوالے سے سابق چیف جسٹس کہ انہوں نے کبھی بھی احتساب عدالت کے کسی جج سے نواز شریف یا مریم نواز کے خلاف فیصلہ سنانے کا حکم دینے کے لیے رابطہ نہیں کیا انہوں نے کہا کہ میں ایسا کیوں کروں گا؟ مجھے نواز شریف سے کوئی رنجش نہیں ہے رپورٹ میں کہا گیا کہ سابق چیف جسٹس نے کہا کہ کسی نے بھی ان سے رابطہ نہیں کیا اور نہ ہی اس کیس کے حوالے سے دباﺅ ڈالا.