ویکسین بنانے والی کمپنیاں کورونا کی نئی قسم کیخلاف فعال ہوگئیں

اتوار 28 نومبر 2021 00:12

نیویارک (اُردو پوائنٹ اخبارتازہ ترین - این این آئی۔ 27 نومبر2021ء) ویکسین بنانے والی کمپنیاں کورونا وائرس کی نئی قسم اومیکرون کے خلاف مزاحمت ممکن بنانے کے لیے فعال ہوگئیں۔

(جاری ہے)

امریکی دوا ساز ادارے موڈرنا نے اومیکرون کے لیے بوسٹر ویکسین کی تیاری کا اعلان کردیا ہے، بایو این ٹیک کے مطابق 100 روز کے اندر اپنی کورونا ویکسین کا تازہ ترین ورڑن تیار کرکیاس کی شپمنٹ کرسکتے ہیں۔فائزرکے مطابق اومیکرون ویرینٹ کے خلاف ان کی ویکسین کی مؤثریت کا دوہفتوں میں پتہ چل جائیگا، جانسن اینڈ جانسن نے کہا کہ وہ اومیکرون ویرینٹ کے خلاف اپنی ویکسین کی افادیت کا جائزہ لے رہے ہیں۔ برطانیہ کی ایسٹرازینیکا نے بھی نئی قسم کے خلاف ویکسین کی کارکردگی دیکھنے کے لیے تحقیق شروع کردی ہے۔