مظفر آباد ، ووٹ پی ٹی آئی کو کیوں دئیے، (ن) لیگی کارکن نے مین سڑک بند کردی

(ن) لیگ کے دور حکومت میں 85 لاکھ روپے کی لاگت سے بنائی گئی تھی عوام علاقہ پیدل چلنے پر مجبور

اتوار 28 نومبر 2021 15:55

مظفر آباد ، ووٹ پی ٹی آئی کو کیوں دئیے، (ن) لیگی کارکن نے مین سڑک بند ..

مظفرآباد(اُردو پوائنٹ اخبارتازہ ترین - این این آئی۔ 28 نومبر2021ء) مظفرآباد کے نواحی علاقے یونین کونسل گوجرہ کے گاؤں پترینڈ ترچھیالاں میں ووٹ پی ٹی آئی کو کیوں دئیے، (ن) لیگی کارکن نے مین سڑک بند کردی، جو (ن) لیگ کے دور حکومت میں 85 لاکھ روپے کی لاگت سے بنائی گئی تھی عوام علاقہ پیدل چلنے پر مجبور ہوگئے۔

(جاری ہے)

تفصیلات کے مطابق مظفرآباد کے نواحی علاقے یونین کونسل گوجرہ کے گاؤں پترینڈ ترچھیالاں میں (ن) لیگی چمچے نے رات کو سرکاری روڈ بند کردی جس کے باعث اہل محلہ کے 35 سے زائد گھر،مسجد، سکول جانے والے بچے محصور ہوکر رہ گئے، (ن) لیگی رہنما کا کہنا ہے کہ سڑک (ن) لیگ کی حکومت میں بنائی گئی ہے پھر آپ نے پی ٹی آئی کو ووٹ کیوں دیے، یاد رہے کہ یہ سابق مسلم لیگ (ن) کے دور حکومت میں 85 لاکھ سے زائد مالیت سے تیار ہونے والی علاقے کی واحد سڑک ہے جس کو مسلم لیگ (ن) کے رہنما نے بند کردیا،عوام علاقہ کا کہنا ہے کہ انسپکٹر جنرل پولیس آزادکشمیر،ڈپٹی کمشنر مظفرآباد،ایس ایس پی مظفرآباد نوٹس لے کر سڑک کو بحال کریں تاکہ عوام پیدل چلنے کی وجہ سے مشکلات سے دوچار نہ ہو۔