بنوں میں بین الاضلاعی زیاد اکرم درانی مرحوم کبڈی ٹورنامنٹ اختتام پذیر ہو گیا

بنوں (اُردو پوائنٹ اخبارتازہ ترین - این این آئی۔ 28 نومبر2021ء) بنوں میں بین الاضلاعی زیاد اکرم درانی مرحوم کبڈی ٹورنامنٹ اختتام پذیر ہو گیا۔

(جاری ہے)

ٹورنامنٹ کا فائنل میچ دلچسپ مقابلے کے بعد لکی مروت بچکن احمد زئی نے اپنے نام کر لیا، سابق ایم پی اے ملک ریاض خان قدیم روایتی کھیل کبڈی گزشتہ پچاس سالوں سے بنوں میں کبڈی ٹورنامنٹس منعقد کرا رہے ہیں ، نے سابق ایم این اے زیاد اکرم درانی (مرحوم ) آٹھواں خیبر پختونخوا کبڈی ٹورنمنٹ کا اہتمام کیا ، بنوں ریاض پارک منڈان میں کھیلے گئے لکی مروت بچکن احمدزئی اور چارسدہ کی ٹیموں کے درمیان فائنل میچ دیکھنے کیلئے میدان ہزاروں کی تعداد میں تماشائیوں سے کچہ کچ بھرا ہوا تھا ، فائنل میچ کے مہما ن خصوصی جمعیت علماء اسلام کے ممبر قومی اسمبلی زاہد اکرم دُرانی تھے ، دونوں ٹیموں کے کھلاڑیوں نے بہترین کھیل پیش کرتے ہوئے طاقت ، پرتی کیساتھ ساتھ داؤ پیچ کا بھی استعمال کیا ،سبقت لینے اور ٹائٹل اپنے نام کرنے کیلئے ایک دوسرے کو خوب رگڑا اور سخت مقابلے کے بعد لکی مروت بچکن احمدزئی کی ٹیم نے چارسدہ کی ٹیم کو مقررہ وقت میں 37 کے مقابلے میں 40 پوائنٹس سے شکست دے دی اور ٹائٹل اپنے نام کر لیا ، مہمان خصوصی زاہد اکرم دُرانی نے دونوں ٹیموں کے کھلاڑیوں میں ٹرافیاں اور پچاس پچاس ہزار روپے نقد انعامات تقسیم کئے۔